Wp/guc/Inküleenaiki

< Wp‎ | gucWp > guc > Inküleenaiki

Inküleenaiki je Alijunaiki Krinko (alijunaiki: Idioma Ingles) shiia wanee anüiki ankülosajon, kanainjeka ayatawa, militaraa ejetsitaa, atijana sientipikat, akuwaitpaa siia waneepiiaka yootunusu soou mmakat Mioüka Püretaña siia tü Reinaka Mma Kottusu sunainje tü siküla XVIII, yaleje sutuma tü Imperiio Püritaniko antusu alümüin Mma Mulo’usu Ameerikajatü chaa sü’utpüna siküla XX, tü anüikika Inkülesu ekirajaanusu soou supüshuwale mmakat, sutuma makaa shiiasu anüikika erajunaka main sutuma alijuna.

Inküleenaiki.

Tü anüikika inkülesu akujunusu müin tü piantuwaka anüiki sutuma maima alijuna siia maima mmakat sunain tü Commonwealth, shiia sunüiki Kottaka Euroopea siia maima kanainjeka soou mma. Shiia apünuinsuka anüikika sunainjeka alijuna yootaka sunain joüin, suchikeje tü Chinaanüiki Mantaarin siia tü Alijunaiki.

Achukuwaje InküleenaikiEdit

Tü Inküleenaiki shiia tü anüikika yootunusuka sutuma alijuna ee joüin sumaa (300 siia 400 miyonka alijuna) shiia apünuinsuka yootashanaka, suchikeje tü Chinaanüiki Mantaarin, siia tü piamaka anüiki inkülesu (200 miyonka alijuna sa’amüin)

Tü Inküleenaiki, suchikeje amioüjain Inkülateraa tü sunüikika amioüjasu sumaa (Imperiio Püritaniko), siia müin sukuwaitpaa Mma Mulo’usu Ameerikajatü kajamüin shiia mulo’üsuka mma sunain ayatawa siia militaraa ejetsitaa; sutuma makaa tü anüikika inkülesu ekirajaanusu soou mmakat supüshuwale.

Sukumujaiwa tü AnüikikaEdit

Tü Inküleenaiki antusu anainje tü sunüikipülee tü Pueulo Jermanikaa, ounusu chejee sunainka joolü Alemaniaa (Siia shi’ipa Dinamatka) joolü erajunusu sukaa anulia Inkülateraa. Tü pueuloka makaa erajunusu sukaa anulia sumaiwa Pürisonees, ankülos,sajones siia jutoos. Sunüikika münusu Ankülosajon Sumaiwa (alijunaiki: Anglosajón Antiguo). Sunain wanee kuentaa ankülosajon, sunain’paa juyaa 449, Vortigern, chii Reikai soou Mma sa’akaa wuin Püritanika, ne’enajüin waneeirü ankülos nu’umaka Hengest siia Horsa, supüla nuyurajüin sunain tü Piktos. Achajanusu maima sunain ayurajaa, sunain makaa antusu tü Ankülos, Sajones siia Jutoos. Sulü tü kuentaaka antusu «Kolonos», eitaaka akaratshi mma reinosü: Northumbria, Mercia, Anglia Orientala, Kent, Essex, Sussex y Wessex.

Suchukuwaje InküleenaikiEdit

  • 53 Makat
  • Yootusuka: 508 miyoka alijuna
  • Apüshipünaka: Indoeroopeo, Jermanikoo Occidental, Ankülo-frisón, Ánkülico, Inkülesu
  • Ashajia: Alfabeto Latinoo