Tü jietkalü... jia tü atüjaa e'inaa!
Tü majayütkaa jutujaain tü e'inaakat ju'utpunaa tü süttüin jia. Tü jiikat, tü joushikat, müsia naa jü'ikana, nekirajuin jünain asuttajaa, ajunaa jama'a, süi, müsia si'ira, atula, müsia e'inaa susu.
Jima'aliikana atüjüshii junainje e'rajaa jainraka lau'laayuu junain ainjaa tü aitaanaka junain ama otta puliikü, ma'aka ja'in turiya, pisalü, sha'akuma, jushenchen, otta jupushuaya aitaanaka nanain mürülü. Atüjüshii aainja wainrenya, uwomü, asonoo, susu, müsia anaataa tü aloojiaka.
Tü ei'yatünaka sünain tü sünaka
Jünain tü e'inaaka ei'yatünüsü tü akua'ipaaka tü ano'ujaaka junain tü junaaka, jünain tü jüno'uka, anasü ma'in tü atüjakaa e'inaa yaletüsü tü wakua'ipaka jutuma tia.
Tü e'inakaa shia tü shi'yataainka wayuu sümaiwajatü süpaala woushiyuu wamüin shia tü wa'anasiankaa waima sukua'ipa e'ina eesü e'ina susu, kattoi, süpana süi, shein jee kiaalaja süpüla sujuitajatün anain che'ijaasü wutia otta müsia jiitpai akanajüna münüsia ayateesü tü wakua'ipakat weinshi watüma wapütajatü süpülaa waikeyu watta ka'i wachikipüna suulia amülo'uijaatüin naya eepünalee sünain achajawaa nakua'ipa sulu'upünaa ekirajülee otta müsia natünapünain wane susu, kanasü acheküsü natijain so'u sukua'ipa süna.