Ama (alijunaiki: caballo) wane mürüt pienchi süsa'a, miyo'u sunut. Wane mürüt e'ejetuu nütüma chi wayuukai; ne'ejena sünain ayaataa, sünain mekeerüü, ne'ejena sünain alapajaa. ne'ejena wane anüliee, ne'ejena wane pütchipü'ü sünain e'ikajawaa pütchi. Eesü süpüla ne'ejenain wane wayuu toolo otta wane wayuu jiet. Otta eesü müleka nuwa'teerüin sünain tü shaitaa kanüliakat awate'era ama.
Tü amakat namüin na wayuukana aküjasü süchiki kapülainyüü, yala'yalaa, kojutuu, anaa, aküjasü süchiki sünain anashin wayuu chi wayuu kama'anakai shia.
Ama "caballo" mürüt jümülüin wayuu, jümaiwale'e ma'i aapajuushi namüin naa wayuu eejanaka nutuma chi pülashikai, ja'ujee ni'rüin nümülian wayuu jüka nü'üi, alumajunüshi (sü) jüpüla ee'jenaa, otta müsia jutuma wayuu eekai eein ama jüma'ana, wayuu washirü, kojutushi atumaa ja'ujee amaajuchin, na wayuu epijüliikana otta arüleejüliikana ama, epijashi ama jüpüla e'ejetaa, jüpüla awatawaa, arüleejia, otta müsia apalaalajia. o'nooya. Ama e'ejetuukai (t) anasü ma'i nusiiyain, nujuleenain, nipeyonse, nukutpeetse, nukushpalajana a'anennüshi ma'i walawaire nujuitui chi wayuu ke'ejenakai.