Wp/gpe/Single African Air Transport Market

< Wp‎ | gpe
Wp > gpe > Single African Air Transport Market

De Single African Air Transport Market be one of de project way de Africa Union dey wan create so say e go create a single market of air transport for Africa inside. If dem complete am, de single market go allow significant freedom of air transport for Africa, wey e go dey advance AU dem Agenda 2063[1].

Single African Air Transport Market
single market, international organization
Inception28 January 2018 Edit
Short nameSAATM Edit
Field of workair transport Edit
Parent organizationAfrican Union Edit
Official websitehttps://au.int/en, https://au.int/fr Edit
Main regulatory textYamoussoukro Decision Edit
Operating areaAfrica Edit

Primarily, de goal of the SAATM be say dem dey wan implement de 1999 Yamoussoukro Decision. Meaning say all de participants agree say dem go comot market access restrictions give airlines, comot restrictions for ownership top, grant each other extended air traffic rights (first one be through fifth freedoms, way no dey affect cabotage rights), den liberalize flight frequency den capacity limits. Both passenger den cargo aviation dey mong[2]. way e dey wan harmonize safety den security regulations for dey aviation sector inside, based on ICAO dema requirements top[3]. Ebi de Africa Union, ihn Regional Economic Communities, den de African Civil Aviation Commission (AFCAC) way dey watch over the project[4][5].


Ebi de Yamoussoukro Declaration of 1988[6][7] way dem know de benefit dem go get if dem liberalize air traffic, especially the fifth freedom,

way ebi 1999 way dem reaffirm dis declaration, as de Africa Union pass de decision. But the implementation turn problem sekof de decision dey face plenty obstacles, as de regulatory bodies no dey operate as e dey for the agreement inside[8], way some countries too no give de fifth freedom rights to airlines way comot other countries.

2015 inside, de Declaration for the Establishment of a Single African Air Transport Market laid de framework so say dem go implement de Yamoussoukro Decision by 2017[9]. Dem come push de deadline go de 30th African Union summit in Addis Ababa[10]. Den ebi Rwandan President Paul Kagame way do de launch of SAATM on 28th January 2018, as he be the chairperson of the Africa Union[11][12]. De organisation dey wan get about 40 members by 2019


Twenty-three countries way dey the Africa Union agreed say dem go join de SAATM as starting participants. By July 2022 dem kech 34 countries:

  • Benin
  • Botswana
  • Burkina Faso
  • Cameroon
  • Cape Verde
  • Chad
  • Central African Republic
  • DR Congo
  • Congo
  • Côte d'Ivoire
  • Egypt
  • Ethiopia
  • Equatorial Guinea
  • Gabon
  • The Gambia
  • Ghana
  • Guinea
  • Guinea-Bissau
  • Kenya
  • Lesotho
  • Liberia
  • Mali
  • Morocco
  • Mozambique
  • Namibia
  • Niger
  • Nigeria
  • Rwanda
  • Senegal
  • Sierra Leone
  • South Africa
  • Swaziland
  • Togo
  • Zimbabwe


Some African government den airlines criticize de project, especially dem smaller airlines, as well as de Ugandan government, dem dey allege say de agreement go make de big airlines dominate de market, wey e go stifle competition.

De African Development Bank, den some other analysts, predict say de SAATM go make flights cheaper, bunch passenger volumes den economic benefits.

De International Air Transport Association commend de Africa Union say dem launch de single market, but warn dem say dem go do bunch work before dem go fit implement am effectively[13]

Abdérahmane Berthé, secretary general give de African Airlines Association, say that de COVID-19 pandemic help make dem implement de SAATM[14] small.

San see


  1. https://www.uneca.org/stories/single-african-air-transport-market-launched
  2. https://www.lexology.com/library/detail.aspx?g=44fb879c-7a37-4060-8db2-399146747ec0
  3. http://pubdocs.worldbank.org/en/849021434746549856/Air-Transport-OpenSkiesForAfrica.pdf
  4. https://web.archive.org/web/20180211144108/http://www.nepad.org/resource/single-african-air-transport-market
  5. https://www.ippmedia.com/en/news/saatm%C2%A0makes-significant-progress
  6. http://repository.uneca.org/handle/10855/13773
  7. http://pubdocs.worldbank.org/en/849021434746549856/Air-Transport-OpenSkiesForAfrica.pdf
  8. https://www.internationallawoffice.com/Newsletters/Aviation/International/George-Etomi-Partners/Liberalising-aviation-in-Africa-the-Yamoussoukro-Decision
  9. https://www.lexology.com/library/detail.aspx?g=44fb879c-7a37-4060-8db2-399146747ec0
  10. https://www.tralac.org/news/article/12254-establishment-of-a-single-african-air-transport-market-ministerial-working-group-experts-meeting.html
  11. https://edition.cnn.com/2018/01/31/africa/african-union-single-air-airline/index.html
  12. https://www.ft.com/content/4e672998-03f0-11e8-9650-9c0ad2d7c5b5
  13. https://web.archive.org/web/20180506025246/http://www.iata.org/pressroom/pr/Pages/2018-01-28-01.aspx
  14. https://aviationweek.com/air-transport-month/analysis-most-african-carriers-next-year-will-be-precarious