Ein early life and education
Dem born Paul for 23 May 1982 den he comot from Kobedia-Asupra wey dey Bono region for Ghana inside. He pleted ein SSSCE for 2000 inside. He gey ein bachelor's degree for Sociology & Information Studies in Social Science for 2006 inside. He further ein MSc for Communications den Public Affairs in 2012. He do ein LLB for General Law for 2018 inside. He san do ein certificate for Oil, Gas & Petroleum Management for 2020 inside.
Na Paul dey job as de Head for Event den Production for Radio Universe. He san come do Station Manager for RGU radio. Na he bi de Media mechanical den engineering manager for EXP Ghana. He job as de Assistant Communication Officer for de British High Commission. He job again as de Corporate Affairs den Sustainability Manager for Zen Petroleum. Paul one tym job as de Development Communication Coordinator for SADA. He san go job as de Government Relations den Regulatory Affairs for ENI Ghana Exploration & Production Limited.
Ein political career
He bi member of NPP wey rydee he bi de MP for Dormaa East Constituency. He won de parliamentary seat wid16,679 votes wey ein opponent, NDC aspirant Racheal Owusuah had 11,383 votes.
Ein personal life
Inside December 2021, he go donate food den other assorted items give about 200 widows for de Dormaa East constituency. He san go give hospital beds den medical equipment to de Wamfie District Hospital. Paul san donated working equipment den tools to about 400 apprentices den workers for Wamanafo and Wamfie.