Bolgatanga (Frafra: Bɔlegataŋa), alias Bolga, be sam town den de capital of de Bolgatanga Municipal District den Upper East Region for Ghana,[1] wey ebe adjacent for de border plus Burkina Faso. Bolgatanga get ova 2012 settlement den sam population of about 66,685 people.[2] Bolgatanga be 161 km (about 100 miles) go de north of Tamale. Bolgatanga dey lie for de Red Volta River Valley insyd (wey dey serve as sam major migration route of elephants), plus de White Volta River den de cliffs of de Gambaga Escarpment go de south of de town wey dey form de southern boundary of de Upper East Region.[3]
| Native label | Bolgatanga  |
|---|---|
| Continent | Africa |
| Country | Ghana |
| Capital of | Upper East Region |
| Located in the administrative territorial entity | Upper East Region, Bolgatanga Municipal District |
| Location | Upper East Region |
| Coordinate location | 10°47′8″N 0°51′5″W |
Bolgatanga dema History
Dem get de name Bolgatanga (Bolbatanga) from de Guresi words bolba wey dey mean "migrants" den tanŋa wey dey mean "pyramid." Historically na Bolgatanga dey de southern terminus of de ancient Trans-Saharan trade route. De eastern route wey dem converge plus de Sahelian route, near Bolgatanga. Along de route, dem exchange handicrafts especially straw baskets, hats den fans, as well as leather goods, metal jewelry, den indigenous attires plus kola nuts den salt. De Upper East Region, wer Bolgatanga dey lie, be part of na wat dem know as Upper Region. Between 1902 den 1960 na de Northern Territory be British protectorate; dem separate am go de Northern den Upper Region for July 1, 1960 insyd. Dem apportion Upper Region go Upper East den Upper West Region for 1983 insyd.
De inhabitants of Bolgatanga migrate from Yoa, wey be sam communityfor de Kasena Nankana east municipal insyd. Apoka Kariyane lead de Tanzui De Apoka biisi's of Bukere, sam community for Bolgatanga insyd.
Communities wey dey Bolgatanga insyd - Atulbabiisi, Dagweom, Bukere, Soe, Yarigabiisi, Zuarungi, Poaliko, Tindaamoligo, Gumbiisi Zongo, Zongo.
Dema Transportation
Public transportation dey from Bolgatanga go major cities such as Accra, Kumasi, Mim, Ahafo, Cape Coast, Sunyani, Tamale, Tema, Ho, Wa, Elubo, Aflao, den Techiman.
Life for Bolgatanga insyd
Bolgatanga be known as de crafts centre of de Upper East Region, plus sam large central market. Apart from items wey dey elsewhere for Upper East Region insyd, dem dey make den sell de so-called "Bolga hats" for Bolgatanga insyd. Bolgatanga den ein surrounding suburbs san dey comprise de largest producers of leather goods, straw baskets, densmocks. De artists dey sell dema works for de Bolgatanga Market insyd, wey dem dey gbele every third day. Sam museum be too dey de town insyd, den houses objects of historical importance of de Upper East Region.
Dema Climate
Bolgatanga get hot semi-arid climate (Köppen climate classification BSh)
| hideClimate data for Bolgatanga | |||||||||||||
|---|---|---|---|---|---|---|---|---|---|---|---|---|---|
| Month | Jan | Feb | Mar | Apr | May | Jun | Jul | Aug | Sep | Oct | Nov | Dec | Year |
| Average high °C (°F) | 32.9
(91.2) |
36.0
(96.8) |
37.9
(100.2) |
37.6
(99.7) |
35.8
(96.4) |
32.3
(90.1) |
30.0
(86.0) |
29.7
(85.5) |
29.9
(85.8) |
33.7
(92.7) |
35.5
(95.9) |
31.9
(89.4) |
33.6
(92.5) |
| Average low °C (°F) | 18.8
(65.8) |
20.6
(69.1) |
24.2
(75.6) |
24.8
(76.6) |
24.8
(76.6) |
22.7
(72.9) |
21.9
(71.4) |
21.5
(70.7) |
21.4
(70.5) |
21.2
(70.2) |
20.2
(68.4) |
18.0
(64.4) |
21.7
(71.0) |
| Average precipitation mm (inches) | 5.1
(0.2) |
5.1
(0.2) |
18
(0.7) |
25
(1.0) |
56
(2.2) |
94
(3.7) |
140
(5.6) |
210
(8.1) |
120
(4.7) |
38
(1.5) |
7.6
(0.3) |
5.1
(0.2) |
720
(28.4) |
| Source: Meoweather.com[4] | |||||||||||||
Occupation & food
Farming be de main occupation for de people of Bolga. Dem dey engage for subsistence farming for millet, maize, guinea-corn, rice, beans, groundnuts, den sweet potatoes for rainy season insyd den irrigation farming of onions, tomatoes, den peppers for dry season insyd. Almost every farmer dey rear at least sam bird anaa animal.
De people of Bolga dema main food be Tuo Zaafi (TZ) wey dem dey take millet dey do am, corn anaa Guinea millet flour plus leaf soup (beto), rice porridge.
Tourism
Architecture and sights of Bolgatanga
Schools in Bolgatanga
- Bolgatanga Senior High School (mixed)
- Bolgatanga Nursing Training College (mixed)
- Bolgatanga Midwifery College
- Bolgatanga Technical Institute
- Bolgatanga Girls' Senior High School (Girls)
- Zamse Senior High School (mixed)
- Zuarungu Senior High School (mixed)
- Zuarungu Nursing Training College
- Bolgatanga Polytechnic
Bolgatanga Library
De Bolgatanga Library be notable design of award-winning American architect J. Max Bond, Jr., wey Le Corbusier influence am. Bond live for Ghana insyd for four years for de 1960s insyd.[5] Na de Bolgatanga library be ein first major project de tym wey he dey job give de national construction company. De design dey feature perforated walls den "umbrella"-shaped roof, so de structure dey remain cool den well ventilated.[5]
Paga crocodile ponds
Forty kilometers (about 25 miles) from Bolgatanga, be Paga, home give de sacred crocodile ponds.[5] Dis be purportedly de "friendliest" crocodiles for Ghana insyd, wey dem dey claim say de souls of de royal family dey stay for insyd. De crocodiles dey roam freely thru out de ponds, wey ebe unthinkable say anybro go fi harm dem.[5]
Bolgatanga Craft Village
Ebe art center wey dey showcase den sell woven baskets, smocks, hats, bags, leather works (bags, sandals), local den foreign beads, figurine dolls, sculptures, ceramics( bowls), local drums, art work wey komot Mali, Nigeria den chaw oda art works.
De municipal assembly construct am for 2003 insyd so say ego promote de cultural heritage of Ghana den Africa.
References
- ↑ https://www.graphic.com.gh/news/general-news/upper-east-regional-police-command-acquires-3-motorbikes-to-increase-patrols.html
- ↑ https://web.archive.org/web/20120111172126/http://bevoelkerungsstatistik.de/wg.php?x=1170623253&men=gcis&lng=de&dat=32&geo=-85&srt=npan&col=aohdq&pt=c&va=x
- ↑ https://web.archive.org/web/20140419025336/http://www.bolga.ghanadistricts.gov.gh/
- ↑ http://www.meoweather.com/history/Ghana/na/10.7855556/-0.8513889/Bolgatanga.html?units=f#
- ↑ 5.0 5.1 5.2 5.3 https://web.archive.org/web/20140317232152/http://www.touringghana.com/regions/uppereast_region.asp