Professor Audrey Sitsofe Gadzekpo be Ghanaian media practitioner den female dean give de School of Information den Communications Studies for de University of Ghana. Na she be de Communications Consultant den Lecturer wey represent women dema groups. She sa be member give de Webster Ghana’s Advisory Board.
She be Associate professor for Journalism den Media Studies. She attend de University of Birmingham for Britain wer she graduate plus PhD for Education for de Center for West African Studies. She get hin M.A for Communications inside from Brigham Young University wey dey Utah for USA inside den hin Bachelor of Arts for English inside from de University of Ghana.
For June 2017 inside, she dey among de membas of de National Media Commission wey dem induct so say dem go help de passage of de Broadcasting den de Right to Information bills into law.
For June 2017 inside, she speak for de Maiden Edition of Women in PR Ghana Seminar plus Dr. Ayokoe Anim-Wright, Cynthia E. Ofori-Dwumfuo den Gifty Bingley. Hin research be primarily geared towards gender, media den governance issues.
For February 2021 inside, she dey among eight-member committee wey dem select so say dem go give fresh name giv de Film industry for Ghana inside.
Ein life matter
She get daughter wey dem dey bel am Nubuke wey she be fellow of de third class of de Africa Leadership Initiative-West Africa den memba of Aspen Global Leadership Network.
Ein awards den honors
Na she be visitin scholar for Northwestern University wey dey Chicago for USA inside for de Program of African Studies from September to December 2005.
Na she sanso be Guest Researcher for Nordic Africa Institute for de African Guest Researchers Program for 2012 inside.(Research Cluster ‘Conflict, Security den Democratic Transformation).
For March 2020 inside, she receive award in de 5th Ghana Women of Excellence Awards sake of hin leadership role.
Anas Aremeyaw Anas pay am homage sake of hin role for hin rise thru de undercover journalism for Ghana inside.