Apam Senior High School, dey de Zone B District for de Central region for Ghana, dem establish am for 1953 insyd for Paado's plains, wey be suburb of Apam (coastal town wey dey de area insyd). Dem begin de school under cocoa shed den oak trees. E start under de management of Rev. deGraft-Johnson wey Mr. C.S Arthur Hessebe de only teacher.
For 1960, de school relocate go wey edey now, Mbofra mfa Adwen, plus very grand den impressive opening ceremony wey Lord Listowel perform am, de last Governor giv de den Gold Coast, wey be Ghana now. De school ein development make dem adopt de name Great APASS wey dem achieve under leadership den aegis of de late Dr. Peter Augustus Owiredu wey he san be known as PAO. Dr. P.A Owiredu take over as de headie from Rev. Degraft-Johnson from 1959 to 1981.
By 1964, de school move from day school go boarding school wey dem introduce advanced level subjects for Arts den Sciences plus de Ordinary level courses wey e dey offer.
Now nu Great APASS dey under de leadership of Nana E. C. Acquah. De school get student population of 1,808 plus 63 teaching staff den 48 non-teaching staff.
Programmes wey de school dey run dey include; General Arts, Business, Science, Home Economics, Visual Arts den Agriculture Science wey dem add am recently.
1. 1953 - 1958 Rev. J. W. De-Graft Johnson
2. 1959 - 1979 Dr. P.A. Owiredu
3. 1980 - 1988 Mr. Sam Parry
4. 1988 - 2004 Mrs. Esther Hamilton
5. 2004 - 2016 Mr. Archibold K. Fuah
6. 2016- 2019 Nana E. C. Acquah
7. 2019- Date Mrs. Jemima Elsie Arthur-Morrison
- Nene Amegatcher, lawyer, academic den judge; active Justice of de Supreme Court of Ghana (2019 – date)
- Kwasi Anin-Yeboah, lawyer den judge; current Chief Justice of Ghana (2019 – date)
- Kojo Armah, diplomat, lawyer den politician
- David Dontoh, actor den television personality
- Nii Ashie Kotey, judge den academic; active Justice of de Supreme Court of Ghana (2019 – date)
- Nana Kuffour, footballer
- Aaron Mike Oquaye, politician; former Speaker of de Parliament of Ghana (2017 – 2020)
- Ato Quayson, Professor of English for Stanford University, formerly for New York University, den Professor den inaugural Director of de Centre for Diaspora Studies for de University of Toronto.