Anita-Pearl Mwinnabang Ankor be Ghanaian painter den Muralist. Dem popularly refer am as De female Painter. For 2019 insyd, she post sam video for ein Instagram page wey show ein body say she dey artistically dey paint for wall top. Dis video go viral for social media.
Ein early years den education
Ankor be native of Nandom, wey locate for de Upper West Region for Ghana insyd but she grow for Accra. She get ein primary education for University Primary and Junior High School. She proceed go Mfantsiman Girls' Secondary School wey she plete ein secondary education. For 2011 insyd, she gain admission go de University of Ghana wey she study Agricultural Science den major for Post Harvest Technology.
De tym na she dey Level 400 for de University of Ghana, Ankor begin dey do pencil art den painting as ein hobby. After she graduate from school, she job as national service personnel for Swedru. She begin ein career for painting for 2015 insyd after she get inspire from de tym she dey see de works of one painter bi. She found den run NYTAZ Arts, art company. Ein specialty be she dey do murals, pencil arts, interior den exterior painting. For 2019 insyd, she post video for ein Instagram page top wey show ein working for wall top. De video go viral for social media top.
Ein life matter
Ankor be Christian. She dey lyk write short stories den poems, swim, play basketball, read novels den watch movies.