Wp/gpe/Alan John Kwadwo Kyerematen

< Wp‎ | gpe
Wp > gpe > Alan John Kwadwo Kyerematen

Alan John Kwadwo Kyerematen (ein popular name be Alan Cash[1]) (dem born am 3 October 1955) he be Ghanaian politician, corporate executive, diplomat den international public servant as he dey specialize for global trade issues. Na Kyerematen be ambassador give de United States den later he come turn Minister of Trade, Industry, Private Sector Development (PSD) den de Presidential Special Initiatives (PSI), under President Kufuor in-led NPP government. Kyerematen serve as trade advisor give de United Nations Economic Commission for Africa (ECA) for Addis Ababa, Ethiopia, as he coordinate de African Trade Policy Centre (ATPC).

Alan John Kyerematen
Sex or gendermale Edit
Country of citizenshipGhana Edit
Name in native languageAlan John Kwadwo Kyerematen Edit
Given nameAlan, John Edit
Family nameKyeremateng Edit
NicknameAlan Cash Edit
Date of birth3 October 1955 Edit
Place of birthKumasi Edit
Languages spoken, written or signedEnglish, Fante, Twi, French, Ga Edit
Occupationdiplomat, lawyer, politician Edit
Position heldMinister for Trade and Industry, Minister for Trade and Industry Edit
Educated atUniversity of Ghana, University of Minnesota, Achimota School, Kumasi Academy Edit
Work locationGhana Edit
Member of political partyNew Patriotic Party Edit

Kyerematen come make attempt so say he go take de New Patriotic Party dema leadership for 2007 insyd, he get 32.3% for de votes wey dem cast. Na he be Nana Akuffo-Addo ein first runner-up as he gain 47.96% for de votes wey dem cast. Kyerematen san make oda attempts for de party ein leadership for 2010 den 2014 insyd but he chop second to Akufo-Addo, wey chop de primaries. For 2012 insyd, Ghana nominate Kyerematen so say he go be de World Trade Organization dema director-general den succeed de out-going Director-General Pascal Lamy, den de African Union back hin candidature.[2][3] However, he no make de shortlist give de final selection process for 2013 insyd.[4][5][6] For 2017 insyd, dem swear Kyerematen as Ghana ein Trade Minister.

Ein early life

Alexander Atta Yaw Kyerematen, social anthropologist wey komot Patasse, Kumasi den Victoria Kyerematen (née Welsing) wey komot Elmina den Ejisu born Alan John Kwadwo Kyerematen for 3 October 1955. Dem name am after archbishop for de Church of England, Alan John Knight wey na he be de headie for de all-boys Anglican boarding school, Adisadel College insyd Cape Coast for de 1930s insyd, wey he san be ein puppie ein mentor, Alexander A. Y. Kyerematen wey na he be student for der den later, head boy for ein final year insyd.[7] Na A. A. Y. Kyerematen be de commissioner give Local Government during de National Liberation Council regime.[8] Insyd 1951, ein puppie cam turn de founder den first director for de Centre for National Culture wey locate insyd Kumasi for de Ashanti Region[9][10] den later on, dem appoint am de mayor for Kumasi den de commissioner give local government between 1966 den 1969.[11] Lyk ein puppie, Alan Kyerematen attend Adisadel College for ein secondary education, he enter de institution na he dey nine years wey be record after he start at Asokore Mampong Secondary School wey now be Kumasi Academy.[12] Afterwards he attend Achimota School for ein sixth form education. He proceed go de University of Ghana, Legon for bachelor's degree inyd Economics. Kyerematen sanso dey zuk law degree, LLB from de Ghana Law School for se same university wey he qualify as barrister-at-Law.[12] Dem bell am to de bar insyd Ghana, wey he be practicing attorney–at-law insyd Ghana. In addition, he be Hubert Humphrey fellow for de School of Management for de University of Minnesota, U.S., he plete one year management studies under de Fulbright Fellowship program for dat institution.[12]

Ein life matter

As he dey komot from mixed Akan ancestry of de Asante den Fante ethnic subgroups, he dey speak Twi den Fanti fluently. For addition, he dey speak Ga wey he be proficient for French insyd.[13] He marry Patricia Christabel Kyerematen (née Kingsley-Nyinah), de daughter of Joseph Kingsley-Nyinah wey na he be Appeal Court Judge den de Electoral Commissioner give Ghana between 1978 den 1981, wey dey include 1979 presidential election. Dem get two kiddies - Alexander den Victor. Alan Kyerematen ein sisto Bridget Kyerematen – Darko die for gas explosion for January 2017 insyd.[14] Alan Kyerematen along plus ein elder bro Stephen Kyerematen[15] be managing directors for A Wealth of Women Ghana BKD (Bridget Kyerematen Darko), Dr. Sandi Williams, PhD[16] lead am e be foundation dem form make e support demma late sisto ein work den legacy. De foundation affiliate to A Wealth of Women.[17]


  1. https://www.modernghana.com/ghanahome/news/news_details.asp?menu_id=1&id=VFZSUmVrMUVZM2s9
  2. https://web.archive.org/web/20140427181943/http://www.odi.org.uk/events/3179-next-world-trade-organization
  3. https://www.reuters.com/article/wto-candidate-kyerematen-idUSL5E8NHEPX20121217
  4. www.wto.org/english/news_e/news12_e/biography_alankyerematen_ghana.pdf
  5. http://www.hagstromreport.com/2013news_files/2013_0130_wto_kyerematen.html
  6. https://www.wto.org/english/news_e/news12_e/dgsel_gha_17dec12_e.htm
  7. https://web.archive.org/web/20140821064903/http://adisadelcollege.net/about.htm
  8. https://www.pulse.com.gh/news/politics/personality-profile-alan-kwadwo-kyeremateng/94ev4qm
  9. https://web.archive.org/web/20140424110614/http://www.ghanaweb.com/GhanaHomePage/NewsArchive/artikel.php?ID=201480
  10. Ghana National Cultural Centre, Kumasi : building for future generations. OCLC 513117172.
  11. https://web.archive.org/web/20140719225420/http://www.ghanaweb.com/GhanaHomePage/NewsArchive/artikel.php?ID=317048
  12. 12.0 12.1 12.2 https://web.archive.org/web/20141022200230/http://www.africa-confidential.com/whos-who-profile/id/294/Alan_John_Kwadwo_Kyerematen
  13. https://www.wto.org/english/news_e/news12_e/biography_alankyerematen_ghana.pdf
  14. https://www.graphic.com.gh/news/general-news/alan-kyerematen-loses-sister-to-la-gas-explosion.html
  15. https://www.modernghana.com/news/595702/activa-md-stephen-kyerematen-receives-african-lead.html
  16. https://web.archive.org/web/20180831122452/https://www.awowghana.org/
  17. https://web.archive.org/web/20181114060540/http://awealthofwomen.org/about/