Jeyografi:
Sé adan an ventèn' kilomèt, déyè la Pwent ke ou ka twouvé Gowav' . I kot sou le ven a Bastè. Komin' Gwadloup lasa ka lontji Petit Cul de Sac Marin. Rivyè la ki ka soti adan piès-bwa lé zantiy, ka janbé tout péi la. I ni an pakèt' bwa gowav' ki owa bo a rivyè lasa, sé pouki komin la ka élé gowav' .
Pou pa pèd la kat, i a 16°08’00 Nò 61°34’00 West, i ni an bou' épi 12 seksyon. Barthélémy, Blonzac, Bois-Sec, Bonfils, Douville, Christophe, Moreau, Morne-à-Gomme, Morne-Rouge, la Rose, Sarcelle, Sainte-Claire .Gwandé a Gowav' sé 60,91 km2 é i ni 25 263 moun' ki té ka westé la an 2020. an 2023 i ni 106,15 moun pou chak km2.
Gowav' ant' tè é lanmè, sé sa ki ka fè bèlté ay, i ka pati de 0 jiska 1298 mèt. Si ou vlé ékwi an moun' ki ka westé Gowav' maké 97128 si envlop' la.
Istwa :
Yo té ka éléy Sainte Anne de la Petite Rivière douvan17yèm syèk apwé J.C. i té en Pawas an tan lasa.
Pyé-bwa "gwayav'" fè vinn douvan douvan sé premyé kolon la. Yo mèt plantasyon cann' asi komin' la. Abitasion la Grange, Rouffeau, Mollard vwè jou. Dis' tchienn kè lè ranboulzay (révolution) fransè pété. Lè lasa, moun ki té an tèt a la fwans pwen cé plantasyon. Yo té ka fè péyi la vancé. Yo tout' disparèt'. Kon la Pwent' pa lwen, exploitan gowav' ka vand' bannann' é cann' pou vil lasa é pa asi Basté tou
Administrasyon :
Dépi 2008 Mè Gowav' sé Misyé Ferdy Louisy.
Ekonomi :
Pani an lo touwist' ki ka vinn' Gowav' davoua i tini ki an sèl plaj', plaj' Sent' Klè. Sab'la nwè, sab a la Soufwiyè. Ni an lo zion, pié-bwa, riviyè, chi't-rivyiè. A pwésan Gowav' ka gadé si é pé soti tèt aw an dlo épi agwakilti.
Vinn' vwè :
- chit' Bras-de-Fort
- twa chit' Moreau épi baraj' a dlo ay
- Gwan piès bwa Douville
- Jadin dlo Blonzac épi 1 000 pyiè fwi ay
- L'îlet Fortune ou ka jwin li en bato
- Églis' Sint'-An' de Gowav'. Pou Sainte Anne.
- Pon, fèt' épi restan bik Eiffel, yo atè apwézan cé tenpèt la bayo an kal.
- Vilaj' ti bouboul ( agritouristique « forêt magique de Moreau)
- Plaj' Sent' Klè.
- Lisin' a sik, lisin' a ronm'.
Si ou rémé maché, ou pé maché. Ni an kalté manman chato a dlo an bout' Christof' West.
FOSS