Wp/gaa/Ayekoo

< Wp‎ | gaa
Wp > gaa > Ayekoo

Ayekoo ji wiemɔ ni akɛtswaa mɔkɔŋ nɔ kɛji ebɔ ehe mɔdɛŋ yɛ nɔko mli yɛ Ghana maŋ lɛ mli. Enɔheremɔ ji "yaayei".

welcome
greeting

Ahaa mɛi ayekoo yɛ bei srɔtoi amli.

Nɔkwɛmɔnɔi komɛi edit

Eji ŋamɔ kɛha nitsulɔi ni anina amɛ. Enɔkwɛmɔ ji mɛi ni miima tsu aloo mɛi ni miihɔɔ nii yɛ gbɛhe.

Mɔ ni eŋma kaa ni eye omanye,aloo mɔ ni egbe enitsumɔ kasemɔ naa.

Yoofɔyoo ni efɔ bi shweshweeshwe.

Mɔ ni anina lɛ be mli ni efeɔ nii ni esaaa.

Ahaa mɔ ayekoo kɛyeɔ ehefɛo kɛji enifeemɔ esaaa hiŋmɛii nɔ.

Tsutsusane edit

Bei ni eho yɛ Ga kusum mli lɛ, kɛji mɔko shɛ shia kɛjɛ nitsumɔ mli lɛ, mɔ ni aloo mɛi ni eninaa yɛ shia lɛ biɔ lɛ akɛ "ahe eko", aloo "aahe eko" . Ebaahere nɔ akɛ " hɛɛ,ahe" aloo "aahe ". Nakai beiaŋ mli lɛ, Gamɛi nitsumɔi oti ji okwaayeli kɛ wuoyaa. Hewɔ lɛ, "ahe eko " aloo "aahe eko" lɛ, akɛbi kɛji ahe loo ni asha aloo ŋmaa ni jɛ ŋmɔ lɛ mli lɛ.

Nɔheremɔ nɛɛ ni ebatsɔ "yaayei " ŋmɛnɛ gbi nɛɛ yɛ Ghana lɛ.

Mɛni ji 'ayekoo' shishi yɛ Ghana maŋ awiemɔi amli? edit

Bei saŋ lɛ, mɛi pii jwɛ̃ɔ akɛ wiemɔkulibi ni ji ayekoo jɛ Akan wiemɔ lɛ mli. Shi daabi, kɛ akɛɛ Ayekoo, heni ejɛ ji Ga wiemɔ. No hewɔ sane ni esa akɛ wɔbí ŋji akɛ: Mɛni ji ayekoo wiemɔkulibi nɛɛ shishi?

Ayekoo Afrique, Africa maji awiemɔi kasemɔhe, ŋma akɛ mmom eyɛ mli akɛ Ga wiemɔ lɛ edaaa fe Akan wiemɔji shi kɛ wɔŋwie nɛkɛ "ayekoo" he sane lɛ, Ga nɔɔ mli ni ejɛ[1]. Amɛ sãa amɛŋma akɛ, nɛkɛ blema wiemɔ diɛŋtsɛ akɛ biɔ mɛi sane– sane ko tamɔ "aahe ko lo?". Kɛjɛ sanebimɔ nɛɛ, "aahe ko lo?", ni wɔ naa "ayekoo". Ŋmɛnɛ lɛ, "aahe ko lo?" ebatsɔ "ayekoo"[1].

  1. 1.0 1.1 1. What's the meaning of "ayekoo", Ayekoo Afrique 2. Learn African languages