Wp/gaa/Atsimɔta Nɔtsamɔ Nikasemɔhe

< Wp‎ | gaa
Wp > gaa > Atsimɔta Nɔtsamɔ Nikasemɔhe

Atsimɔta Nɔtsamɔ Nikasemɔhe,[1][2] ji oblahii kɛ oblayei nɔtsamɔ nikasemɔhe ni yɔɔ Ga kpokpaa nɛɛ nɔ yɛ Ghana. Ato Nikasemɔhe nɛɛ shishi afi 1924. Mɛi ni tonikasemɔhe nɛɛ shishi ji Frederick Gordon Guggisberg, Dkt. James Emman-Kwegyir Aggrey kɛ Osɔfo Alexander Garden Fraser. Enɔ afi 1927 mli lɛ, agbele naa. Mɔ ni gbele naa ji Frederick Guggisberg. Eji ŋleshi amralo nakai beaŋ yɛ Shika Ŋshɔ Naa. Ama Atsimɔta Tamɔ nɔtsamɔ Nikasemɔhe ni yɔɔ ŋleshi ablotsiri maŋ lɛŋ. Atsimɔta nɔtsamɔ Nikasemɔhe nɛɛ ji nɔtsamɔ Nikasemɔhe klɛŋklɛŋ ni yɔɔ Shika Ŋshɔ Naa ni oblahii kɛ oblayei fɛɛ nyɛɔ yaa eko.

Sukul lɛ blema saneEdit

Nikasemɔhe nɛɛ etsɔse onukpai kɛ hiɛnyiɛlɔi babaoo ni jɛ Ghana kɛ shɔŋŋshɔŋŋ diɛŋtsɛ. Mɛi komɛi tamɔ Kwame Nkrumah, Edward Akufo-Addo, Jerry John Rawlings kɛ John Evans Atta Mills ni amɛ fɛɛ amɛbatsɔmɔ maŋhiɛnyiɛlɔi pɛŋ. John Dramani Mahama hu je enikasemɔ shishi yɛ biɛ. Ghana ttsutsu maŋhiɛnyiɛlɔ Dɔkita Kofi Abrefa Busia hu tsɔɔ nii yɛ Atsimɔta. Kɛfata he lɛ Afrika jaku maŋhiɛnyiɛlɔ ko tamɔ Zimbabwe maŋnɔyelɔ ni ji Robert Mugabe[3][4] kɛ Dawda Jawara ni ji Gambia klɛŋklɛŋ maŋhiɛnyiɛlɔ hu tee nikasemɔ yɛ biɛ. Sam. Gyimah ŋleshi maŋsɔɔlɔ ni kwɛɔ nikasemɔhei wuji ni yɔɔ Theresa May's amralo lɛ shishi hu bakase nii yɛ biɛ. Mɛi ni ejejee woloŋnikasemɔ yɛ Atsimɔta Nɔtsamɔ Nikasemɔhe lɛ atsɛɔ amɛ "Akora".[5] Nikasemɔhe nɛɛ sabla ji Ut Omnes Unum Sint. Eshishinumɔ ji 'ni wɔfee ekome', ehiɛtoo nɔ jɛ nilelɔ kpanaa ko ni fata shishitolɔi lɛ naa. Mɔ nɛ fee lɛ pefee akɛ ja mɔdiŋ kɛ mɔyɛŋ, nuu kɛ yoo ekpɛ amɛhe dani aaahi aha mɔ fɛɛ mɔ. Saŋku kpaa okadi kɛha Atsimɔta Nikasemɔhe nɛɛ mɔ ni tɛŋ ji Aggrey yɛ nakai beaŋ. Ekɛɛ obaanyɛ onyɛmɔ saŋku hiɛtsei bibii diji kɛ eyɛji lɛ fɛɛ anɔ kɛfutu ni obaana ŋɔɔmɔ kome.

HiɛtoiEdit