Unner gelôv bīgript me mäisttīds äin fan däi mennerğ föörmen fan 't sindaun of 't söyken nóó sindaund ferbinnens, wor bī fóóktīds 'n hōger macht, wēsen of god in d' middent stājt, bōmend up däi gelōven in däi lēr fan däi godgelērthaid.
In 'n fērer sin mäint dat wōrd 'gelôv' 'n mäien föörm fan gäistelkkaid, föylen un gedachten mit 'n bīlūken tau d' sin fan 't lēvend. Dit lööven kan aldo näit as 'n bīlūken mit 'n macht, mit 'n ofbild d'r fan of mit 'n näit recht deffernæært bīgünsel of essensje bīkēken worden. 'T gājt düs näit pertū um äin īdentītäit, äin persōn.
In gelōven, däi blōt äin enkeld god hebbent (mōnōtēisme), prōt't me fan 'godsdenst'; me löövt näit allenerğ an äin godhaid, man däint hum of höör ōk. Bī gelōven mit mēr as äin god (pōlītēisme) prōt't me fan 'n 'gōdendaum'. Ōk dat word't fóók däint, bī föörbild döör 't brengen fan offers.
'T gift ğīn wäitenskupelk ōweräinstemmen ōwer däi deffernóósje fan däi bīgrip 'gelôv'.[1]
Wellen Edit
- ↑ Brent Nongbri: Before Religion: A History of a Modern Concept. Yale University Press. ISBN 978-0-300-15416-0.