Wp/efi/Zalmon G. Simmons

< Wp‎ | efi
Wp > efi > Zalmon G. Simmons

Zalmon Gilbert Simmons Sr (September 10, 1828 - February 10, 1910) enye ekedi anam mbubehe idemesie, osioño nkpo ndi, Ọbọp Ibet Wisconsin ye Ọbọñ obio Kenosha, Wisconsin.

Ntọnọ uwem

edit

Akamana ke September 20, 1828 ọnọ Ezra ye Mary Gilbert Simmons ke Euphrates, ke Idut Montgomery, New york. Ikebighike ke Zalmon ama akamana, ubon oro ewono eka idut Imesida, New york eke tọnọ utom inwañ. Ke isua 1839 ama ekebe, ubon oro ema ewọrọ ekeduñ ke nkannkuk Benton lake Country ke illinois, enye ama ọtọñọ ntono ufọkñwed ke ini etuep. Ke June 12,1843, ubon oro ema ewọrọ ekeduñ ke South port (ediyomde idahaemi nte Kenosha) Wisconsin. Simmons akaka Kenosha ye US$3 (edide ukem nte $98 ke 2021). Ke ini enye ekedide isua 15 mme 21 ke emana. Rouse Simmons ekedi eyeneka esie eren emi akanamde Utom ke itie mme ọbọpibet obio Wisconsin ọnọ Kenosha. Rouse ekedi Kiet ke otu mme nka Republican onyụñ anam utom ke isua 1875. Simmons ama okure ufọkñwed ke Kenosha onyụñ anam utom nte Andikpep ke ufọt isua 18 ye 21 ke emana abanade.

Mbubehe

edit

Simmons ekedi Adaibuot ke First National Bank Kenosha, Northwest Telegraphy Company ye The Roxk Island Railway Company ke 1859, enye ekedi Adaibuot ke Kenosha ye Roxkford Railway Company ke adanaemi enye akanam utom ke usiakifia Telegraph eke obio Wisconsin.

Anyamurua

edit

Ọtọñọde ke isua emana 21, Simmons akanam utom nte Ewetñwed akamba ufọkurua ọnọ Seth Dian ke okuk $200 (edide ukem nte $6,514 ke 2021) ke isua kiet. Ke ntak udọñọ Ete Dian, Simmons ama anam utom ke ufọkurua oro ke nkpo nte ọfiọñ itiokiet eme ekebe, ndien Enye ama edep akamba ufọkurua ke enye ama akanam utom ke ọfiọñ 16 mme 18. Enye ama anam utom ke ufọkurua oro uforo uforo ke isua 12 tutu enye oyom mme udon efen.

Uruk Utiniko

edit

Simmons etiene enyene usiakifia Telegraph eke obio Wisconsin ke 1856, enye ama akabade edi Adausuñ, ndien ke December 1858 enye ama akabade edi Ewetñwed ye akama-okuk. Ke 1864 ema emek enye Adaibuot. Ke 1865 usiakifia Telegraph eke obio Wisconsin ema ediana ye usiakifia Telegraph obio Minnesota ndien akabade edi usiakifia North-west Telegraphy. Ema emek Simmons Adaibuot ke obufa usiakifia emi. Enye ekedi Adaibuot tutu osim 1881, ke ini usiakifia oro eke esionode mme uruk Utiniko enọ usiakifia Western Union Telegraph. Ke ini oro Simmons ama esin okuk ke usiakifia oro , ndien okuk esie ikekemke nkpo ndomokiet koro uruk Utiniko ekedu ke ufọt Milwaukee ye Madision, Simmons ama emen mbubehe esie ekesim mme obio inwañ ye mme edep ye mme akai emi mikememke owo ndibe. Simmons ekedi kiet ke otu mme Esenyin-utom eke itieutom usiakifia Western Union Telegraph. Enye ama ada eto anam nkpo emi midiyake ufiop mme mbitmbit ofum oduk uruk Utiniko ndien ke April 16,1871 Simmons ama edep ufọk unam chessbox emi ekekabade edi itieutom usiakifia unam nkpọ urua emi ebotde mme nkpo emi midiyake ufop mme mbitmbit ofum oduk uruk Utiniko.

Usiakifia Nkpọnna Simmons

edit

Owo Kiet ke otu mme edep urua ke ufọkurua esie, ama ekpe okuk ndidep nkponna emi edade waya edọk. Ke ini oro, ekesida mfriumim mmé idet enañ-mbakara enam ekpat Nkpọnna. Simmons ama ada ekikere emi otode owo Anam nkpo onyun okut usun ndida n mme nkpọ′urua esie emem urua. Simmons ama ọtọñọ itie emi ekekabade edi usiakifia Nkpọnna Simmons, edi urua ikeduehe inọ mme Nkpọnna ukuak. Utu ke oro, Simmons ada akpanakpan anam mme Nkpọnna emi ekeyamde ke mme idut ye ofuri ererimbot.ke 1884 Emma esin usiakifia North-west wire Mattress nte ekemde ye ibet ndien ke 1889, ema ekpuhọde enyin, ekabarede ekot mmọ Simmons Manufacturing Company. Ke 1925, Simmons ema enam Nkpọnna emi ekotde Beautyrest emi ekedade ediọñọ Usiakifia oro. Nkpọnna emi ama emenede isọn urua akan mme Nkpọnna waya ke nkpo nte ikata mme ikanañ, ke ini oro, ke okuk $39.50 (edide ukem nte $610 ke 2021) Ke ini oro ke okuk $39.50 ( edide ukem nte $610 ke 2021) ke isua inan ke ukperedem, ema enyam Nkpọnna se ibede $9 miliọn ( edide ukem nte $142,029,070 ke 2021) ke isua 1940, usiakifia oro ema e nam nkpọnna emi enukde esin enyun enukde eso ( pull okut bed, Hide a bed) ke 1941, usiakifia oro enam Sprinhs, matras, bed ukwak ye ñkpoduoho ufọk ndien ema eda nkpo nte irenowo 2,500 ke utom. Ke ini ọyọhọ ekọn ererimbot iba, mmọ ema esinọ 2700 nsio nsio mme nkpo ndinọ ekọn ibetedem.

Usun Tren ke Etine Manitous ye Pike's

edit

Simmons ama oduñọde ebedeñ Englemann abana uruk Utiniko Telegraph esim etine Pikes ke Colorado. Enye ama anwan ke ndinam uruk Utiniko ebe ke mme mben usun tren ndien enye ama ebemiso edep mbahade 50eke ikie ke udori ke usiakifia Telegraph. Enye akawat ke enañ-mbakara aka enyọñ obot ke nditaha isan usun iba, enye ekekere ke akpana enyene usun enwen emi isan ekpenemde owo. Enye ọkọbọ ekikere tren oto andinyene ufọkisen emi enye okodude. Simmons ọkọnọ okuk emi ekedade ebọp usun tren Manitou ye Pikes peak ke 1889. Mbon utom Italy ekebot usun tren oro ndien okoyun edodu ke itie idiaha ke 1891. Ekeme ndisuk nwat ndọk enyọñ obot oro.

Ubọkọkọ Ukaraidem

edit

Ke 1865, Simmons akanam utom nte andida ke ibuot idut Kenosha ke Wisconsin Atatde Assembly, enye akanam utom nte kiet ke otu mbon nka ukaraidem National Union. Nte ini akade, enye ama anam utom nte obon obio Kenosha, Wisconsin ọtọñode ke 1884 tutu osim 1886, ke ini oro enye ama ekpe isọn $1.75 miliọn ( edide ukem nte $52,778,704 ke 2021)

Uwem Esie

edit

Simmons ọkọdọ Emma E. Robeson ọtọde idut Ñkpodioho mmọñ (lake Country), lllinois ke April 20, 1850, ke Kenosha, Wisconsin. Emma ekedi eyen Etubom Morris Robeson. Nditọ mmọ ekedi Minnie, Emma, Gilbert Zalmon ye nditọiren iba ekekpade ke ini uyen, Nelson akakpe ke ini enye ekedide isua ita ndien Ezra akakpa ke ini enye ekedide isua 13. Emma ye Zalmon ekedi Unitarians. Enye ama ọbọp itie uboñnwed editi Gilbert M. Simmons onyun etip ọnọ Obio Kenosha ke editi enyene esie emi akakpade ke 1890. Ufọk editi Oro ekeyakde enọ obio Kenosha ke May 30, 1900, ema ewet enye esin ke National Register of Hostoric place. Emma ama kpa ke october 11, 1899. Simmons akpa ke February 11, 1910, ke Kenosha, ndien eyen esie, Zalmon Simmons, ama ada itie utom usiakifia Simmons





[[Category:Wp/efi]