Yul Chibuike Daniel Edochie emi ẹnyụn̄ ẹdiọn̄ọde nte, Yul Edochie akamana ke January 7 1982. Enye oto Nigeria, esinyụn̄ anam fịm. Esio enye enyịn̄ ẹdian ete kiet ke Russia emi esinamde fịm. Ete oro ekere Yul Brynner. Yul oto Anambra, ete esie ke ẹsikot Pete Edochie.
Enye okokpon ke Lagos ye Enugu. Enye edi akpatre eyen ke otu nditọ itiokiet oro Pete Edochie enyenede. Yul ọkọdọ n̄wan ini enye ekedide isua 22. Enye akaka University of Port Harcourt. Do ke enye ọkọbọ n̄wed itoro Bachelor of Arts ke ukpep oro ẹkotde, Dramatic Arts.
Mbụk uwem edit
N̄wan Yul ekere May Aligwe, mmọ ẹnyụn̄ ẹnyene nditọ inan̄. Irenowo ita ye n̄wan kiet. Nditọ mmọ ẹkere, Dani Edochie, Kambi Edochie, Karl Edochie ye Zane Yul Edochie. Enyene ndibe n̄kpọ emi Yul ye Judy ẹdipde, emi mmọ miyomke owo efen ọfiọk. Ọdiọk etieti ndikop ke ubon mme Edochie ẹnyịme Yul ọdọ Judy. Ke March 30, mbụk ama omụm isọn̄ ke akpa eyen Yul emi ekerede Kambi Yul Edochie akpa.
Ubọkọkọ edit
Edochie okodụk n̄ka unam fịm ke Nigeria ke 2005. Akpa fịm emi enye ye nsan̄a esie, Justus Esiri ye Enebeli Elebuwa ẹkenamde ekedi The Exquires. Ẹkedinen̄ede ẹtọn̄ọ ndidiọn̄ọ enye ke 2007, ini enye ye Genevieve Nnaji ye Desmond Eliot ẹkenamde fịm ẹkotde, Wind of Glory.
Ke 2015, Edochie ama asiak itie unam esie ke Lagos. Enye akasiak itie emi, man akpada ekpep mbon ẹtọn̄ọde-tọn̄ọ ndinam fỊm ke Nigeria.
Politiks
Ke July 14, 2017, Edochie ama ọwọrọ edi edidọhọ ke imọ iyom ndika mbuba politiks ndidi Adaibuot Ukara ke Anambra State. Se ikanamde enye anam emi edi ke ntak emi ibet Nigeria ekenyịmede, ke n̄kparawa ye n̄kaiferi ẹkeme nditiene n̄ka n̄kpọ ke politiks ke Nigeria. Ke August 22, 2017, ke ofụri owo ẹkedidiọn̄ọ ke enye aduak ndika n̄kpọ nte Adaibuot Ukara Anambra. Enye ama edep fọm oto PDP, ndien ke n̄ka politiks PDP ẹma ẹkenam ndomo nse, ẹma ẹnyịme ete enye aka mbuba oro. Se itetịn̄ emi, Yul Edochie aduak ndika n̄kpọ nte Adaibuot Ukara Nigeria, ke mbuba election emi ẹyomde ndinịm ke 2023, emi edidade, imek owo emi oyomde ndidi adaibuot ukara Nigeria.