Omoyeni 'Yeni' Anikulapo-Kuti emi ẹnyụn̄ ẹdiọn̄ọde nte YK, akamana ke May 24, 1961 ke England, United Kingdom. Yeni Kuti esikwọ ikwọ onyụn̄ enek unek. Enye oto ubon Ransome-Kuti. Eka eka esie emi ekekerede Funmilayo Ransome-Kuti ekedi kiet ke otu iban Nigeria oro ẹsiwanade ẹyom unen iban. Anikulapo-Kuti akada iso man ẹsiak n̄ka ikwo emi ẹkotde, Felabration. Ẹsibre mbre mbre emi ke ini ke ini ndida nti ete esie Fela Kuti, ye nti n̄kpọ oro enye akanamde ọnọ Nigeria.
Anikulapo-Kuti emi akamanade ke England, edi akpa eyen ọkwọ ikwọ oro Fela Kuti. Eka esie okoto Britain. Ini enye ekedide isua iba ke ẹkemen enye ke United Kingdom ẹnyọn̄ ẹdi Nigeria. Enye ekekure ufọkwed primary ye sekondri ke Nigeria. Enye ama ọbọ n̄weditoro ke ama ekekure ufọkwed ntaifiọk ke Nigeria emi ẹsikpepde n̄kpọ ẹban̄a unọ-mbụk. Ke 1986, enye ama ọkpọn̄ utom ukim ọfọn̄ onyụn̄ etiene odụk n̄ka ikwọ Femi. Idahemi, enye ye eyeneka esie erenowo, Femi Kuti ẹdi andise enyin mban̄a itie ikwọ mmọ emi ẹkotde, New Africa Shrine.