Wp/efi/Wale Fanu

< Wp‎ | efi
Wp > efi > Wale Fanu

Wale Fanu akamana ke April 21 1950 onyụn̄ akpa ke June 12 2022. Ẹkediọn̄ọ enye nte Uncle Wale. Enye esise aban̄a mme edinam ke TV ye usia Fịm. Enye ekedi kiet ke otu mbon oro ẹkedude ke iduọk isua 70 esịm 79 emi ẹkedọn̄ọde udọn̄ọ ẹkotde sickle cell anaemia.

Ntọn̄ọ uwem ye ubọkọkọ

edit

Wale akamana odụk ubon Fanu emi ẹdude ke Lagos State, ke Nigeria. Enye akaka n̄wed ke St. Paul's College ke Zaria. Enye edi ọyọhọ eyen ita ke ubon mmọ. Enye ikpọn̄ n̄ko ọdọn̄ọ sickle cell anaemia ke ufọk mmọ. Ẹkediọn̄ọ ke enye enyene udọn̄ọ emi ini enye edide isua duopeta. Ke osiode efep ndidiọn̄ọ ke udọn̄ọ emi edinam enye tutu n̄kpa, enye osobo nsio nsio mfịna eken utọ nte enye ndikeme ndinam mme n̄kpọ emi uyen ẹkpenamde utọ nte ndibere bọl, hockey, criket, ye ntre ntre eken. Enye ama enyene ifet ndika n̄wed man ekpedi andiwat ubom ofum, edi ikamaha ndika. Enye n̄ko ikonyụn̄ imaha ndika ufọkn̄wed ntaifiọk emi ẹkesikotde Technical College ke Ibadan emi ẹsikpepde Engineering, edi idahaemi ẹdikot enye Polytechnic. Se ikanam enye etre ukụka aba ekedi afanikọn̄ oro udọn̄ọ esie akadade edi. Nte ini akade, enye ama edinyene utom ke itie unam fịm ke Ikoyi. Sụn̄ , enye ama akabade edi akwa andinam fịm, onyụn̄ edi CEO ke CINECRAFT.