Tchidi Chikere oto Nigeria, okonyụn̄ amana ke October 10, 1975. Enye edi etubom unam fịm, esisio fịm, esiwet fịm onyụn̄ esise aban̄a ndutịm unam fịm. Enye esikwọ ikwọ onyụn̄ esise aban̄a mbon ikwọ vidio. Fịm enye anamde awak ebe 100. Enye onyụn̄ osio ikwọ ebọhọ iba.
Itie enye otode ye ntọn̄ọ uwem edit
Chikere oto Amuzi Ahiazu Mbaise ke Imo State. Enye edi akpatre eyen ọnọ ete ye eka esie. Enye ekekpep English Language ke University ke Calabar. Ini enye okosụk odude ke University ke enye ọkọtọn̄ọ ndiwet fịm. Kpa ini oro ke ẹkemek enye ẹsin ke otu n̄ka ikwọ. Ke ama ekekụre anational Youth Service esie, enye ama aka UK. Do ke enye eketie osio akpa n̄wed oro enye ekewetde. Chikere ekedinen̄ede esin idem ke n̄ka usio fịm ke enye ama ekekụre University.
Mbụk uwem edit
Chikere enyene nditọ iren ita ami akpa an̄wan esie Sophia Tchidi Chikere akamanade ọnọ enye. Sophia n̄ko esinam fịm. Edi ndọ mmọ ama asuana ke 2012. Enye ama ọdọ n̄wan en̄wen emi ekerede Nuella Njubigbo. Ẹkenam ndọ ido obio mmọ ke March 29, 2014, ke n̄kan̄ mme n̄wan esie, oro edi ke Anambra State. Ekem mmọ ẹma ẹdkanam ndọ usiịne afia ọfọn̄ ke ufọkabasi ẹkotde, Catholic Church of Transfiguration. Ufọkabasi oro odu ke VGC, Lagos ndien ndọ oro akada itie ke June 9, 2018. Nuella ama aman eyenawan kiet ọnọ enye. Mbụk ama edisuana ke 2021 ke mmọ ẹma ẹdian̄ade ndọ. Mmọ mbiba ikedinemeke nneme aba ke Internet ẹkotde Instagram. Mbụk ikopde edi ke Tchidi afiak ọdọ n̄wan efen ke April 2023.
Fịm edit
Enye edi andise enyin ke mbụk TV oro ẹkotde, The Pink Room.