Wp/efi/Paul Usoro

< Wp‎ | efi
Wp > efi > Paul Usoro

Etubom Paul Usoro emi edide SAN ke Nigeria akamana September 7, 1958. Enye anam n̄kpọ aban̄a ikpe onyụn̄ enen̄ede ọdiọn̄ọ nte ẹkpetịn̄de ikọ ke ini ẹyomde ndikpe ikpe. Ẹma ẹmek enye etieibuot ke Ufọkutom Ukpe Ibet Nigeria.

Ntọn̄ọ uwem edit

Usoro akamana ke September 7, 1958 ke Ukana Ikot Ntuen emi odude ke Essien Udim ke Akwa Ibom State emi odude ke usụk usụk Nigeria. Enye ama ọbọ n̄wed itoro ke Obafemi Awolowo Universiti, IIe-Ife ke Osun State ke 1981. Ekem ke 1982, ẹma ẹdimek enye akwa ekpe ikpe. Ndien ke 2003, ẹma ẹmek enye SAN, emi ẹdiọn̄ọde nte, Senior Advocate of Nigeria.

Ubọkọkọ esie edit

Usoro ọkọtọn̄ọ ndisin idem ke n̄kpọ aban̄ade ukpe ikpe ke 1983. Ini oro, enye ekesinam utom ye ufokutom ukpe ikpe emi ẹkotde Sani Mohammed Kuso & Co, ke Kaduna. Ke 1985, enye ama edisiak itie use n̄kpọ mban̄a ikpe ekesie emi ẹkotde Paul Usoro and Co, ke Kaduna. Edisimde 1992, enye ama edisiak ibuot itieutom ikpe esie ke Lagos. Eke Kaduna okosuk ododu tutu esim 2003.

Usoro etiene esine ke otu ikpọ owo emi ẹsede n̄kpọ ẹban̄a Acces Bank Plc. Enye edi etiebuot ke kọmiti emi ẹsede n̄kpọ aban̄a Ukpe Okụk. Enye onyụn̄ edi etiebuot ke kọmiti emi esede n̄kpọ aban̄a umek owo nsin ke ikpọ itie ke Access Bank. Enye edi etiebuot ke ufokutom emi ẹkotde, PZ Cussons Plc, afiak edi etiebuot ke ndutim umek owo nsin ke ikpọ itie ke itieutom PZ Cussons Plc. Usoro etiene esine ke otu ikpọ owo oro ẹmekde ẹsin ke akamba ufokutom ukpe ibet ke ofụri ererimbot.

Sia Usoro enen̄erede ọdiọn̄ọ n̄kpọ aban̄a ndutim uneme uneme, ẹma ẹmek enye ete ewet ndutim uneme nneme Nigeria eke 2003. Ndutim uneme nneme emi ke kpukpru ufọkutom uneme nneme Nigeria ẹsida ẹnam n̄kpọ, esinede enye ẹkesiode ke 2005, ye enye emi esinamde owo ekeme ndida fon enwen nneme nneme ke ini akpa oro miduhe aba.

Ẹma ẹmek enye etiebuot ke Ufọkutom Ukpe Ibet ke Nigeria ke 2018.

Mbụk uwem edit

N̄wan Usoro ekere Mfon Usoro, onyụn̄ anam utom nte Akamba Etiebuot ke ufokutom ẹkotde, Nigerian Maritime Adminisration and Safety Agency (NIMASA). Enye ama anam utom do tọn̄ọ ke August 2006 esim May 2007. Mfon Usoro anam utom n̄ko nte Akamba etiebuot ke First City monument Bank. Mmọ ẹnyene nditọ iba.