Wp/efi/Hezekiah Oluwasanmi

< Wp‎ | efi
Wp > efi > Hezekiah Oluwasanmi

Hezekiah Adedunmola Oluwasanmi akamana ke November 12,1919, onyun akpa ke August 15,1983. Enye akaka nwed ke Nigeria ekem edidi profeso ke Nigeria. Enye ekedi vice chancellor ke Obafemi Awolowo Universiti ke Nigeria otonode ke 1966 esim 1975. Enye edi owo emi ekesinde ifik anam esiak Universiti oro. Hezekiah ekedi profeso emi odionode agricultural economics ke Universiti ke Ibadan mbemiso ekedimekde enye vice chancellor ke Obafemi Awolowo Universiti.

Ntono uwem ye ufoknwed akakade

edit

Hezekiah akamana ke November 12, 1919, ke Ipetu Ijesa. Ini oro ekesikot nkan oro edem usoputin Nigeria, kpa ini oro ke Britain ekesikara Nigeria. Enye akaka nwed ke Anglican primary school ke Ipetu Ijesa, ekem aka ufokwed sekondri ke Abeokuta Grammar School. Enye akaka ufoknwed ntaifiok ke obio mbakara ke Morehouse College, onyun obo nweditoro ke Harvard Universiti.

Ubokoko esie

edit

Ke Oluwasanmi ama okonyon edi Nigeria, enye ekedikpep nwed ke Universiti College ke Ibadan. Enye ama odiono ukpep nwed ndien ke 1958, ema edimek enye profeso emi agricultural economics. Ini Oluwasanmi okodude ke Ibadan, enye ekesise enyin abana mme ufokidun ndito ufoknwed. Enye nko ekesise abana Sultan Bello Hall, mbemiso edisede abana Mellanby Hall. Ema emek enye dean Faculty of Agriculture otonode ke 1963 esim 1966. Oluwasanmi ye mme ekpep nwed eken ema ediwed leta eno ikpo owo eken ke ukara edoho ke okpofon esiak obufa universiti efen ke nkan edem usiakutin. Ukara ema enyime ekikere oro, ndien ema emek enye ete etiene ekok ibout man ebop obufa universiti ke IIe-Ife. Edi ini esuk ubop obufa universiti emi, mbon politiks ke obio oro ama etono ata akamba mfina. Ntime mbon politiks emi ama anam mme ikpo profeso uto nte Sam Aluko ye Wole Soyinka, ekpon obio oro. Ke ekon ema ekebo ukara ke 1966 ekara, Adekunle Fajuyi emi ekemekde obufa governor ke ini ekon oro, ama emek Oluwasanmi ada itie Oladele Ajose. Oluwasanmi ama okut ete ke efiak etono ndutim ubop universiti oro mbon oro ekedade ukara ke ini edem ekeyakde enim, onyun okut ete ke ekure ediwak utom ubop nkpo oro akanade ebop. Ema edimen universiti oro ekpon Ibadan eka ekebop ke ata eti itie ke IIe Ife. Ke isua edip ye efit ama ekebe tono nte Oluwasanmi akakpa, mme akpan ufan esie ye mbon ubon esie ema esiak itie kiet emi ekotde H.A Oluwasanmi Foundation. Mmo ekesiak itie oro man eda eti enye, enyun ewut mme owo nti nkpo oro enye akaduakde ke ini iso. Itie oro ekedi itie emi edinwamde mbon emi edude ke nsan nsan obio ediono uto inwan, man enyene nkpo emi edinamde uwem enem mmo. Uto nte se mmo edinamde man ekeme ndino mme owo okuk oro kemede mmo; ndidiono mme nkpo oro ekemede ndida okuk ndi; ndidiono ndise mbana mme akpan nkpo oro mme owo enenerede eyom, ye nte ekemede ndise mbana nkannkuk.

Nkpa esie

edit

Enye akakpa ke August 15,1983. Enye ekedi isua 63 ini enye akpade.