Etubom Godswill Obot Akpabio akamana ke December 9, 1962. Enye edi Ekpeibet ke Nigeria, afiak edi owo politiks. Enye edi ọyọhọ Adaibuot Ukara ke Senate Nigeria ọyọhọ efịt emi ẹkemekede ke 2023. Enye ama edi Senator ọnọ Akwa Ibom North-West Senatorial District ọtọn̄ọde ke 2015 esịm 2019 ye tọn̄ọ ke 2023. Enye n̄ko ama onyụn̄ edi Minister ọnọ Niger Delta Affairs tọn̄ọde ke 2019 esịm 2022. Akpabio ekedi Adaibuot Ukara Akwa Ibom State tọn̄ọ ke 2007 esịm 2015.
Ntọn̄ọ ye utom esie edit
Godswill Akpabio edi eyen Etubom Obot Akpabio. Aka esie ekere Lucy Obot Akpabio (née Inyangetor). Enye oto Ukana, Ikot Ntuen in Essien Udim Local Government Area. Enye akamana ke 9 December, 1962. Ete esie akakpa ini enye osụk edide eyenowọn̄, ntre eka eise ọkọbọk enye tutu enye okpon.
Ufọkn̄wed akakade edit
Akpabio akaka Methodist Primary School, ke Ukana, Essien Udim LGA, ke Akwa Ibom State; aka Federal Government College, Port Harcourt,[12] Rivers State; afiak aka University of Calabar, ke Cross River State. Do ke enye ekenyene Degree ke Ukpeibet.
Ke ini enye okodude ke Federal Government College, Port Harcourt, ẹma ẹmek enye Senior Prefect ke ufọkn̄wed oro. Ini enye okodude ke University of Calabar, ẹma ẹmek enye speaker of the parliamentary year.
Mbụk uwem ye ubon esie edit
Ete ete Akpabio ekekere Okuku Udo Akpabio. Enye ekedi Akwa Etubom ke Ikọt Ekpene. Eyenka ete esie emi ekekerede Dr.I.U. Akpabio ekedi Minister of Education/Internal Affairs ke ini Eastern Nigeria. Cousin esie emi ẹkekotde Justice Nsima Akpabio ekedi senator ke Second Nigerian Republic.
Akpabio edi Christian esinyụn̄ aka Catholic. N̄wan esie ekere Ekaette Unoma Akpabio, enye okon̄yụn̄ asiak Family Life Enhancement Initiative (FLEI). Itie emi edi non-governmental organization emi esisede n̄kpọ aban̄a nte ubon ẹkpesan̄ade ẹdia ufọn n̄kpọ oro ẹkotde Millennium Development Goals (MDGs).
Akpabio enyene nditọ ition, iban inan̄ ye erenowo kiet.
Utom esie edit
Akpabio ama anam utom nte andikpep ke ibio ini onyụn̄ anam n̄kpọ aban̄a ikpe ye Paul Usoro and Co. emi odude ke Nigeria.
Enye ama anam utom ke EMIS Telecoms Limited. Itieutom emi odu ke Lagos ke Nigeria, esinam n̄kpọ ẹban̄a Telephone uneme nneme. Ke 2002, enye ama esin idem anam utom tutu edimek enye Managing Director/Chief Executive Officer ke company oro. Enye ama esin idem utom ke obufa ifetutom oro ẹkenọde enye do man n̄kpọ aban̄ade telephone akpasan̄a ọfọn ke ini iso. Ini enye ekedide Director ke EMIS, enye ama ananam utom nte National Publicity Secretary of the Association of Telecommunication Companies in Nigeria (ATCOM).
Utom politiks ye mme utom ẹnọde enye edit
Ke 2002, Obong Victor Attah, emi ekedide Adaibuot Ukara Akwa Ibom State ini oro ama emek enye Honourable Commissioner for Petroleum and Natural Resources. Ke ufan̄ isua 2002 esịm 2006, enye ama anam utom nte Commisioner ke Ministry of Petroleum and Natural Resources, Local Government and Chieftaincy Affairs, ye ke Lands and Housing.
Ke 2006, enye ama esin n̄wed ndidi Adaibuot Ukara Akwa Ibom State. Ke ini ẹkenamde primary election, enye ama akan owo 57 eken oro ẹkekade mbuba election ke party PDP ye enye. Ẹkesikwọ ufiet emi ke ini election esie, "yak uduak Abasi ada itie." Enye ama akan ke mbuba election oro, ekem ẹma ẹmek enye Adaibuot Ukara Akwa Ibom State ke 2007. Ke 2011, enye ama afiak aka ọyọhọ ikaba onyụn̄ akan.
Ke 2013, ẹma n̄ka kiet ẹkotde, PDP Governors Forum, ndien enye ke ẹkemek Etieibuot.