Douye Diri akamana ke June 4, 1959. Enye edi owo politiks ke Nigeria afiak edi Adaibuot Ukara ke Bayelsa. Douye ama anam utom nte Senator emi esede enyịn ọnọ n̄kan Central Bayelsa, ke National Assembly ọyọhọ 9 oro ekebede.
Ntọn̄ọ uwem edit
Douye Diri ọkọtọn̄ọ n̄wed ke Okoro Primary School ke Sampou, onyụn̄ ekụre n̄wed ke Rev. Proctor Memorial Primary School ke Kaiama ke 1977. Do ke enye ọkọbọ n̄wed itoro ẹkotde First School Leaving Certificate. Ekem enye ama edika n̄wed ke Goverment Secondary School Odi, emi odude ke Bayelsa. Douye ama aka n̄wed ke College of Education, ke Port-Harcourt emi odude ke Rivers State. Ndien ke 1985, enye ama ọbọ n̄wed itoro emi ẹkotde, National Certificate in Education (NCE). Enye ama onyụn aka Akwa Ufọkn̄wed Ntaifiọk ke Port-Harcourt onyụn̄ ọbọ n̄wed ẹkotde Bachelors of Education (B.Ed) onyụn̄ enyene Degree ke Political Science ke 1990.
Adaibuot Ukara Bayelsa edit
Ke February 13, 2020, Akwa Esopikpe ke Nigeria ẹma ẹsuan edinam umek owo oro ẹkenamde ke 2019 ke Bayelsa State oro akaban̄ade ndimek Adaibuot Ukara ke obio oro. Ẹma ẹdidun̄ọde ẹdiọn̄ọ ke David Lyon emi ekedide udiana ọnọ owo emi ẹkedọhọde ke enye akan, ọkọnọ INEC n̄weditoro ke ndibe emi misan̄ake ikekem ye se ẹkeyomde. Ke ntak oro, esop ẹma ẹdikabade ẹdọhọ ke Diri akan, ẹkpọn̄ n̄weditoro ẹnọ enye nte andikan ke mbuba umek owo oro.
Edikem ke February 14, 2020, Diri ama ata un̄wọn̄ọ ndidi Adaibuot Ukara Bayelsa, ekem ẹma ẹmek enye Adaibuot Ukara idụt oro.
Ikpe ẹkekpede ke August 2020 edit
Ke August 17, 2022, ẹma ẹfiak ẹmen Diri ẹka esopikpe enwen ke Abuja man ẹbọ enye itie oro. Edi ke October 2, 2020, kpa esopikpe do ke Abuja ẹma ẹkpe ẹbiere ke enye osụk odot ndidi Adaibuot Ukara Bayelsa.
N̄kpọ aban̄ade mme ekpeme itie mbehe ubomofum edit
Ke August 2021, ntọt ẹkekopde ekedi ke Diri ye mbon ukpeme esie ẹken̄wan̄wana ye mbon ukpeme itie mbehe ubomofum ke Lagos, Murtala Muhammed International Airport, ke adan̄aemi ẹsụk ẹyomde ndidụk ubomofum ẹkotde United Nigeria Airlines ke Lagos n̄ka Yenagoa.