Christoher Stephen Obong Ekpenyong akamana ke September 29, 1954. Enye edi owo n̄ka politiks ke Nigeria, afiak edi akani Udiana etieibout ukara Akwa Ibom State. Ẹkemek enye Senator ke Nigeria ke 2019, man ese n̄kpọ aban̄a Akwa Ibom North-West Senatorial District.
Mbụk uwem esie
editKe August 19, 2019, ke n̄wan esie emi ekekerede Grace Ekpenyong akakpa.
Ufọkn̄wed akakade
editKe 1960, Chris ama aka n̄wed ke St. Patrick's Primary School, emi odude ke Ikot Ukana, mbemiso edikpọn̄de akaka St. Michael's Primary School, emi odude Rumuomasi, Port Harcourt. Do ke enye ọkọbọ First School Leaving Certificate (FSLC) esie. Ke 1970, enye ama ọtọn̄ọ n̄wed ke Government Technical College, Port Harcourt. Ekem ke 1975, enye ama aka ufọkn̄wed ke Federal Government Technical College ke Yaba. Ke 1977, enye ama aka n̄wed ke Federal Polytechnic ke Bida. Do ke enye ọkọbọ n̄wed itoro emi ẹkotde Ordinary National Diploma in Electrical /Electronic Engineering. Ke 1980, Ekpenyong ama akaka n̄wed ke The Polytechnic Calabar man ọkpọbọ n̄wed itoro ẹkotde Higher National Diploma in Electrical ye Electronic Engineering. Enye ekekụre n̄wed do ke 1982.
Ke 1993, enye ama akaka n̄wed ke Kensington University, Honolulu, Hawaii, United States. Do ke enye akaka n̄wed tutu esịm 1995, onyụn̄ ọbọ degree ke Master of Business Administration (Marketing).
Utom politiks
editEkpenyong ekedi udiana Adaibuot Ukara ọnọ Victor Attah ke Akwa Ibom State tọn̄ọ ke 1999 esịm 2005.
Ke 2005, enye ama anam n̄kpọ enịm mbụk ke Nigeria. Isua oro, ẹma ẹsio enye nte udiana adaibuot ukara Akwa Ibom state. Edi mbemiso usen itiaba esịmde, ẹma ẹsọsọp ẹfiak ẹmen enye ẹdori ke itie esie. Owo emi ọkọdọhọde esop Assembly obio oro ẹsọsọp ẹfiak ẹmen enye ẹdori, ekedide Adaibuot Ukara Nigeria ini oro ekedi Olusegun Obasanjo. Kpa ye oro, enye ama edida ubọk esie esin n̄wed ọkpọn̄ utom oro.
Ke 2019, ẹma ẹmek enye senator emi edisede n̄kpọ iban̄a Akwa Ibom North West Senatorial District. Ini oro enye okodu ke n̄ka politiks emi ẹkotde Peoples Democratic Party. Owo emi enye akakande ọbọ itie oro ekedi Godswill Akpabio emi okodude ke All Progressive Congress. Ibat vote Ekpenyong ekedi 118,215, ke ini eke Godswill Akpabio ekedide, 85,158. Akamba owo INEC emi ekerede Peter Ogban emi ẹkenọde edise n̄kpọ aban̄a edinam umek owo oro ama ọwọrọ ada ọdọhọ ke Ekpenyong akan ke mbuba oro.
Ke November 9, 2019, Court of Appeal emi odude ke Calabar, Cross River State ama ebiere ke ana efiak ẹnam edinam umek senator emi edisede n̄kpọ iban̄a Essien Udim Local Government Area ke Akwa Ibom State.
Ke se iban̄ade eke Akwa Ibom North-West Senatorial District, Chris Ekpenyong emi ekedide owo PDP, ekenyene 134,717. Enye ama ada oro akan Godswill Akpabio emi ekedide akani senator sia ke eyo ama ekedisiere Sunday, INEC ẹma ẹdibat vote esie, ẹnyụn̄ ẹdikụt ke enye enyene vote 82,820. Nte Chris Ekpenyong akasan̄ade afiak akan edi oro.