Wp/efi/Chris Ajilo

< Wp‎ | efi
Wp > efi > Chris Ajilo

Christopher Isola Ajilo (26 December 1929 - 20 February 2021) Ekedi owo Okwo Ikwo ke Nigeria ye ebre Ikwo ukuak emi eyin nka Ikwo esie ekedide Chris Ajilo ye mbon Ikwo Cubanos amasio Ikwo Ariwo ye Eko O Gba Gbere.

Uwem Esie edit

Ete Ajilo eketo Ijebu-Ijesha, edi Ajilo ke idem esie eke okori mi ke Lagos Island ye ndito eka esie inan emi Cornie Ajilo ekedide kiet ke otu mmo. Enye ke idem esie mmon ekedi Okwo Ikwo nko. Adianadedo, eyen eka esie nko ekedi owo eko ng ke West African Frontier Force. Ajilo eke kaa nwed C.M.S. Grammar School edi uwem ama ennede osong ke Lagos, ndien ete esie akpa ke ini enye edide eyenwon. Enye ma osop idem okori ke edinam nkpo nno idem esie nte ido edide. Ke ndedo, enye ama edibe ke akamba nsungnkang eka obio mbaraka. Do ke England, enye ama oduk ufoknwed ukpep ikwo Eric Gilder School of Music. Do, enye ma etono ukpep nkpo ke ikwo ukuak ekotde tenor Saxophone ke mbre ikwo Jazz emi odonode Afro-Cuban Music. Enye ama ebre band ye gigs ye uwak mme okwo ikwo nte Kenny Graham ye Ginger Johnson. Ke ini enye ama okure ukpep ikwo esie ke Central School of Dance Music, Ajilo eyong edi Nigeria edibuana ye West End Cool Cat Orchestra mbemiso enye edisiak nka ikwo esie emi enye okotdeChris Ajilo ye Cubanos. Nka ikwo Chris Ajilo ye Cubanos ama sanga ke uwuak ndut ke Nigeria ke ndi bre ikwo mmo emi ekotde Ariwo ye Eko O Gba Gbere. Ke isua 1960 ama onim enye nte owo ibuot ikwo ke ndidara ukaraidem Nigeria. Ajilo ekedi owo ibuot ikwo ke mme uwak uwak itie; note Premier ye Lafia Hotels ke Ibadan, Federal Palace Hotel, ye NBC Dance Orchestra ke Lagos. Utom Ajilo ekebanade mbubehe ikwo ama okpon oyung odubi. Ke isua 1970, enye ekedi anam utom usio ikwo ke ufok utom ikwo emi ekekotde Polygram ndien Premier Records. Adanado ke enye ekenam utom ye Obong Ikwo Osita Osadebe. Enye nko ama ewet ikwo ono Obong Ikwo Art Alade oyun ekpep ikwo ke ufoknwed ntaifiok emi okotde International School ke Ibadan. "Ariwo" ekedi akpa ikwo esie emi ekekpenede oyoho isua aba ye duop (50 yrs) emi Beautiful Nubia eke osiode ono enye ke nwed ikwo Eniobanke ke isua 2021.