Wp/efi/Bassey Otu

< Wp‎ | efi
Wp > efi > Bassey Otu

Bassey Edet Otu akamana ke 18 October 1959. Enye edi owo politiks ke Nigeria, afiak edi adaibuot ukara Cross River State ọtọn̄ọde ke 2023. Bassey ama edi Senator ọnọ Cross River South. Enye ama onyụn̄ odu ke House of Representatives ese n̄kpọ aban̄a Calabar Municipal ye Odukpani tọn̄ọde ke 2003 esịm 2011.

Mbụk esie

edit

Prince Bassey Edet Otu akamana ke October 18, 1959. Enye akamana odụk ufọk Late Eld. & Mrs. Edet Okon Otu emi otode Adiabo ke Odukpani Local Government ke Cross River State. Enye okokpon ke Calabar ye Jos, ke Plateau State sia do ke ẹkenọ ete esie aka ekedi oku ke Church of Scotland. Enye akaka n̄wed ke University of Calabar, do ke enye ọkọbọ n̄wed itoro ẹkotde bachelor degree ke Faculty of Social Science. Mbemiso enye edidụkde politiks, enye ekesinam utom ke bank afiak anam n̄kpọ aban̄a aran ison̄. Enye n̄ko edi ọtọ in̄wan̄.

Odu ke House of Representatives tọn̄ọ ke 2003 esịm 2011

edit

Ẹkemek Otu owo House of Rep ke April 2003. Enye ekese n̄kpọ aban̄a Calabar Municipality ye Odukpani Federal Constituency. Ke ini enye akafiakde ẹka n̄kpọ ke April 2007, enye ama afiak akan. Ke ufan̄ isua 2003 esịm 2011, ẹma ẹmek enye Chairman, House Committee on Petroleum (Upstream), afiak edi Vice Chairman, House Committee on National Population. Enye ama onyụn̄ esine ke otu committee oro ẹkesede n̄kpọ ẹban̄a Power, Minisitry of Niger Delta, Inter-Parliament Relations, Inter-Intra Party Relations, Environment, Water Resources ye Defense. Ke ndụn̄ọde oro ẹkenamde ye enye ke 2007, enye asua ọnọ esop ke mmọ ndibiere ke Cameroon ẹdinyene Bakassi peninsula, edi enye ama ọdọhọ ke sia ama eketịbe ntre, se idude idahaoro edi ndiyom usụn̄ mbon Nigeria oro ẹkedụn̄de do ẹnyene se mmọ ẹdidade idu uwem. Ke ini Otu ekedide Chairman ke House of Representatives Committee on Petroleum Resources (Upstream), enye ama anam ẹfiak ẹse se ẹkewetde ẹsịn ke ibet ẹban̄a Petroleum Technology Development Fund sia emi ayanam inyene nti itie unam n̄kpọ emi aban̄ade aran isọn̄ ye gas ke idụt nnyịn emi.

Senator Otu ama onyụn̄ etiene esin okụk an̄wam Nigerian Content Development Act, emi enyenede n̄kpọ ndinam ye aran isọn̄, ndien emi an̄wam ata ediwak owo ke Nigeria idahaemi ẹnyene se ẹdiade.

Senator

edit

Ke 2011 ke ẹkemek Otu Senator emi esede n̄kpọ aban̄a Cross River Senetorial District. Ke ini enye ekesimde Senate, ẹma ẹmek enye Chairman, Senate Committee on Finance. Nte ini akade, ẹma ẹmek enye Chairman, Senate Committee on Banking ye eke nsio nsio unịm okụk eken. Enye n̄ko ama esine ke Committee ke n̄kpọ aban̄ade Navy, Power, Petroleum and Water Resources. Mme owo ẹma ẹnen̄ede ẹkụt eti utom esie ke Senate. Edọhọ ke enyịn̄ esie edi ukem ye nte ẹkpedọhọde ke edi andinwam. Sia mme owo ẹnen̄ede ẹkụt nti utom esie. Oro akanam Buhari Youth Organisation ẹfiak ẹsio enye ete aka n̄kpọ ke ibuot mmimọ.