Wp/efi/Ateke Tom

< Wp‎ | efi
Wp > efi > Ateke Tom

Ateke Tom edi ọbọñ Obio, enye onyun edi akpa owo emi ekemekde ọbọñ ke obio ekotde, Okochiri, ke Rivers, Nigeria. Enyene ini emi ekemekde enye ete ada mbon emi esiwanade enwan eyom unen mmọ usun, ke nkan Ijaw emi odude ke Niger Delta, Nigeria.ke mme usen ama ekebe tọnọ nte mbon emi esiwanade enwan eyom unen mmọ, ekenwana ye nsio nsio Bodisi ke ntak unen mmọ ke obio oro, Ateke Tom ama ewet leta ke August 2007 ọnọ Celestine Omehia emi ekedide Adaibuot ukara Obio Rivers ini oro. Enye ọkọdọhọ ke imọ iyom ukara obio Rivers enam se mmọ ekeñwọñọde ndinam nnọ idut mmọ oro ekenyimede ndiyak nkpọ ekọn mmọ enim ke isọn enyun eñwọñọ ke mmimọ idiwanake aba ekọn iyom unen.

Ke October 1, 2009, Tom ye mbon esie ema edinyime ndikpọn nkpọ ekọn mmọ nnim ke isọn nyun ntre ndiwana ekọn. Nkpọ emi eketibe ke ufọk emi adaibout ukara Nigeria esidunde ke Abuja. Kpa ọfiọñ oro ke Nigeria ekedia usọrọ nda ke idem eke ọyọhọ isua 49. Ke Ini Tom anamde emi, akayak usen ita kpọt ukara Nigeria nditre ndinọ mbon emi esiwanade enwan eyom unen mmọ, unwam. Umaru Musa Yar’Adua ekedi Adaibuot ukara Nigeria ini oro. Nkpọ emi ama enem Yar’Adua tutu enye ọdọn emen ubomofum emi esidade emen Adaibuot ukara, ekemen Tom edi Abuja. Ekem Yar’Adua ama ọdọhọ ete: Tom Ateke, afo ọmọnọ emi ata eti enọ mfin usen usọrọ nda ke idem Nigeria ọyọhọ 49, se anamde emi enem mi tutu. Mbon emi eketienede edu ke usen emi Tom Ateke ọkọwọñọde ke imọ ye mbon mmimọ imoyom enam emem ekedi: Goodluck Jonathan, emi ekedide udiana Adaibuot ukara, (Vice President) owo enwen ekedi Andise mbana udimekọn ke Nigeria, (Minister of Defense) General Godwin Abbe, efen edi owo esiwetde nkpọ ọnọ Nigeria, (Secretary to the Government of the Federation) Yayale Ahmed. Efen edi Etubom udimekọn (Chief of Defense Staff) Paul Dike, ye Akamba owoekọn emi esisede nkpọ abana mbon esikpemede Adaibuot ukara, (National Security Advisor) Abdullahi Sarki Mukhtar.

Edikem ke November 25, 2017, ema edimek Ateke Tom, Obọñ ke obio emi ekotde, Okochiri, ke Obio Rivers. Ezenwo Wike emi edide Adaibuot ukara Obio Rivers , ama etiene oduk edinam oro.