Anita Queen Uwagbale edi nwan Nigeria emi anamde mbubehe onyụñ edi akani ediye Ọbọñ anwan. Enye edi Amanisọñ owo obio Edo, Uwagbale okoduñ ke Lagos ke ntọnọ ntọnọ isua uwem Esie tutu enye oduk ufọkñwed Ntaifiọk Madonna, Port Harcourt, ndikpep Accountancy. Nte eyen ufọkñwed mikureke Ñwed, ema emek Uwagbale nte nye-ñkan anwan ke ofuri Nigeria 2004, ndinwam enye nditiene mbuana ke Mbuba nye-ñkan anwan ke ofuri Ekondo ye nye-ñkan anwan ke ofuri ererimbot ke ukperedem ke isua. Ke Mbuba nye-ñkan anwan ke ofuri Ekondo 2004, Uwagbale okodu ke otu akwa 15 Mbon mbre Mbuba ekesimde semi Finals ndien ekekot enye African Continental Queen of Beauty. Nte nye-ñkan anwan ke ofuri Nigeria, Uwagbale akanam ñkpọ abanade usabade ñkanñkuk.
Tọnọ ke isua 2008 esim 2018, Uwagbale ọkọdọ owo anam mbubehe ekekerede Yom Iseghohi, emi enye okosobode ke ufọt ufọt ukara esie nte nye-ñkan anwan ke ofuri Nigeria. Etienede edinam usin ndo ke America, ebe ye nwan ema enam udian do Nkaowo (Society wedding) ke Lagos ke 2008 ndien Idahaemi mmọ edi Ete ye Eka nditọ iren Iba ye eyenanwan kiet. Ke 2009, ema edoro ebe esie iko ke enye eyip okuk itieutom NITEL, edi ema ebiat Ikọ oro efep.
Uwagbale ama akaiso ndikpep nkpo ke America ke adañaemi enye akaiso ndinam mbubehe esie emi esinede udim udim ufọkurua Ekaeyen ekotde 'Ufokurua Nsekenye'. Ke May 2011, ema eberede ufọkurua Nsekeyen Uwagbale ke Chase Mall, edude ke efak Adetokunbo, Victoria Island, Lagos, Nigeria.