Wilayah Persekutuan Labuan nopo nga iso' Wilayah Persekutuan koduo' id Malaysia i papahangkum kawaladon Pulau Labuan soginayo 91.64 km2. Sinodu nopo do WP Labuan mantad kotogisan Sabah nga ii no 10 km. Nung momoguno padsakayan tumulud mantad Kuala Lumpur, manganu timpu solinaid 2 1/2 jaam om kisinodu 30 km mantad kotogisan Brunei.
Nokoimagon o WP Labuan sabaagi Pusat Kewangan Luar Pantai ontok 1990 om polobuhon obibas mantad sukai. Nointutunan nogi WP Labuan mantad kinoyonon do polobuhon diolo di aralom om agayo. Koulaalaho' polobuhon diti nogi nosiliu sabaagi nontodonon ngaran Labuan ii no 'Labuhan'. Toud kakadayan montok WP Labuan nopo nga ii no Kakadayan Victoria.
Pulou do Labuan nosorili do waig di oniniting om nosorili do pulou di ogingo. Kowoowoyoon rahat di awasi kosudong nogi montok abaabayan mintolop om Skuba. Mantad di, nosili WP Labuan sabaagi totombuluyan do tongo tutumbului mantad suang om labus do pogun Malaysia.