Tulod - ulod nopo nga iso kawo tua - ua' mantad id Malaysia om Indonesia. Tua tulod - ulod kibontuk do okodo om kininaru apat pasagi, alambat do akanon toomod tu roso di ouruan koonsom. Koubasanan do tua di oruhai no do oonsok gunoon sabaagi pomoto roso om sabaagi pomorukut do sambal di piakanon miampai kinotuan koubasanan. Suai ko ii, gunoon nogi iti id pagansakan miagal ko sada om gipan. Tua tulod - ulod nopo nga kaanu papatagak roso olonsi loolobi po sada. Mantad di, tua diti nopo nga kosoruan do gunoon id nansakan tulun Melayu om tulun Cina.
Rusap
Roun puun diti nopo nga kiharo metanol i kiwoyo antibakteria do Pseudomonas aeruginosa om Staphylococcus aureus miampai okudi bagas do Bacillus subtilis. Sundung do ingkaa, ekstrak mantad roun di nopo nga aiso bagas do bakteria suai miagal ko Staphylococcus aureus, Bacillus subtilis, Escherichia coli, Pseudomonas aeruginosa om Klebsiella pneumonia.
Tulod - ulod nogi nga gunoon id pongusapan koubasanan baabaino miagal ko tomporuruol kencing manis om akawas o raha. Sundung do ingkaa, pitua diti nopo au poingimpou nonggo - nonggo ponoriukan baabaino toi koubasanan om au nokointalang o hinta bagas kopomogunaan.
Waig do tua diti binoros do kaanu momolingos tomporuruol akawas o raha, kencing manis om ahadan. Suai ko iri, tua diti nogi nga kaanu momolumou kulit turos om monolibamban kobolingkahangan giawat, kumatol, lonit om mongubat toruol nipon. Montok tulun di kukulan pointilombus, milo mamalasu do tua' diti om inumon o waig pinolosuan diti tikid doungosuab om sodopon.