Tamparuli nopo nga iso kakadayan om nogi watas tonini di kikinoyonon id Watas Tuaran, id boogian Kotogisan Kotonobon Sabah, Malaysia [1]. Poingkakat nogi id suang do kakadayan diti o iso Pejabat Daerah montok monurupu kotoinaan om nunu nopo ahal kokomoi do watas diti [2]. Kogumuan nopo mogingion id kinoyonon diti nga koingkakat mantad tinaru Dusun-Bundu. Haro nogi mogingion mantad tinaru Cina-Hakka i mongingindapu [1]. Sinodu nopo kakadayan Tamparuli mantad Kota Kinabalu nga sinodu do 36 KM [3] om kisinodu do 9 KM mantad kakadayan Tuaran . Ointutunan om abantug o Watas Tamparuli diti gama do Susuyan Tamparuli. Kiharo nogi sinding kokomoi do susuyan diti id hombo abantug id piolitan mogingion Sabah. Sumusuhut nopo nga roroitan sinding Jambatan Tamparuli di sinuat di Justin Lusah, songulun modsinding lokal Pogun Sabah [4].
Pak pak* kang ku doh (Pak pak saya melangkah)
Sumunsui doh jambatan (Menyusur/meniti jambatan)
Jambatan doh Tamparuli (Jambatan Tamparuli)
Bakasut tinggi oku (Saya memakai kasut tinggi)
- Pak pak nopo id suang do sinding diti nga sumuku do tuni lapap di mamanau.
Sukuon
- ↑ 1.0 1.1 Harry, George (2011-11-29). "HISTORY OF TAMPARULI". www.tamparulisabah.com. Linoyog ontok 2019-12-15.
- ↑ "SELAMAT DATANG KE PEJABAT DAERAH KECIL TAMPARULI". ww2.sabah.gov.my/dktmp/. Linoyog ontok 2020-02-13.
- ↑ "Tourist Attraction at Tamparuli Sabah". tamparulisabah.wordpress.com. 2011-07-11. Linoyog ontok 2020-02-15.
- ↑ "Tourist Attraction at Tamparuli Sabah". tamparulisabah.wordpress.com. 2011-07-11. Linoyog ontok 2020-02-15.