Tadau Vyshyvanka nopo nga iso karamayan taang pogun i kitudu do manamong koubasanan tulun Ukraine ii momonsoi om manambasaan basaan kaum bersulam i lohowon do Vyshyvanka. Karamayan diti nopo nga royohon monikid tadau Tadtaru kotolu ontok wulan Mikat.[1] Vyshyvanka, miampai do pysanka (tontolu Paska koubasanan Ukraine), nopo nga iso do lambang koubasanan Ukraine i nointutunan kopio.[1] Karamayan diti au kohompit do nombo-nombo pogun, kaum, toi ko' ugama. [2] Karamayan diti nga okon ontok do koundarangan umum.[1]
| Tadau Vyshyvanka | |
|---|---|
 Tanak tondu mamakai basaan vyshyvanka | |
| Official name | World Vyshyvanka Day |
| Observed by | Ukrainians worldwide |
| Type | Koubasanan |
| Celebrations | mamakai vyshyvankas |
| Date | 3rd Thursday of Mahas |
| Frequency | Annual |
| First time | 2006 |
| Started by | Lesia Voroniuk |
Sajara
.jpg)
Idea tadau Vyshyvanka nopo nga pinosogu ontok toun 2006 mantad di Lesia Voroniuk ii ontok nopo di nga mokiikinobos do Universiti Chernivtsi.[3] Pinoposogu i Voroniuk miampai koombolutan id kalas miampai do mokiikinobos dau momili iso tadau om mogisompuru momoguno basaan vyshyvanka. Id timpuunon nopo nga kiwaa piipiro no mokiikinobos om puru fakulti i minomoguno basaan bersulam. Nga id toun duminontol, nokoburu o karamayan dii gisom do toinsanan tulun Ukraine nga minangaramai do karamayan diti. Tumilombus, ahal diti minamagayat diaspora Ukraine id posorili pogun miampai di mononokodung Ukraine.[4][5] Tadau karamayan dii nopo nga tinomod pinatantu ontok tadau kumaraja om okon do tadau minggu tu poposotol do vyshyvanka nopo nga "roromu koposion om koubasanan do tulun Ukraine, om okon ko artifak dipogulu po.[1]
Tadau kinolodion di kolimo do karamayan diti nopo nga ontok toun 2011 montok kapasarahan ii minomorun do Rekod Pogun Guinness montok ginumu tulun minomoguno rasuk sulam i togumu kopio om tuminimung id iso kinoyonon. Lobi do 4,000 tulun minanambasaan do vyshyvanka tuminimung id Kinoyonon Longkod Chernivtsi. Id toun di miagal, iso basaan bersulam kiginayo do (4 × 10 meter) numaan do tombiro montok bangunan longkod Universiti Chernivtsi.[6]
Rinamai o Tadau Vyshyvanka ontok toun 2015 miampai do cogan boros "Patahako vyshyvanka kumaa do pembela". Iti nopo nga kempen i pinoindalan montok popoingkawas sunduan misaap do askar Ukraine id Pisangadan do Rusia-Ukraine. Kapasarahan do karamayan diti pinaharo id taang do sompomogunan, miampai do 50 pogun id sompomogunan minaampayat id abaabayan dii.[7][8]
Sukuon
- ↑ 1.0 1.1 1.2 1.3 https://www.ukrinform.net/rubric-society/3249005-ukrainians-celebrate-vyshyvanka-day.html.[Tulun Ukraine i mangaramai Tadau Vyshyvanka] (id boros Inggeris). Ukrinform. 20 Mikat 2021. Naanu ontok 19 Mei 2022.
- ↑ https://web.archive.org/web/20180520210244/https://www.president.gov.ua/en/news/nasha-vishivanka-obyednuye-krayinu-prezident-pid-chas-fleshm-47498.[Vyshyvanka nopo diti nga popiiso pogun - Presiden maamaso nokopuriman pogintangan kawagu ontok Taday Vyshyvanka id Dnipro]. president.gov.ua (id boros Inggeris). Pentadbiran Presiden Ukraine. 17 Mikat 2018. Pinaarkib mantad tadon ontok 20 Mikat 2018. Naanu ontok 20 Mikat 2021.
- ↑ https://www.unian.info/society/1928404-ukraine-marks-vyshyvanka-day-on-may-18.html.[Kapasarahan Ukraine Tadau Vyshyvanka ontok 18 Mikat (Video)] (id boros Inggeris). Agensi Kopoilaan obibas Ukraine. 18 Mikat 2017. Naanu ontok 20 Mikat 2021.
- ↑ https://www.radiosvoboda.org/a/24092558.html.(id boros Ukraine). Radio Free Europe/Radio Liberty. 5 Mikat 2011. Naanu ontok 20 Mikat 2021.
- ↑ https://vyshyvanka.net/blog/vyshyvanka-chernivci.vyshyvanka.net (id boros Ukraine). 1 Mikat 2012. Naanu ontok 20 Mikat 2021.
- ↑ https://molbuk.ua/photo_news/37344-u-chernivcjakh-vsi-odjagli-vishivanki-foto.html.Molodyy Bukovynets (id boros Ukraine). 5 Mikat 2011. Naanu ontok 19 Mikat 2022.
- ↑ https://wz.lviv.ua/article/435566-den-vyshyvanky-istoriia-sviata-ta-tsikavi-fakty.Vysoky Zamok (id boros Ukraine). 20 Mikat 2021. Naanu ontok 20 Mikat 2021.
- ↑ ""http://mkip.gov.ua/news/309.html"" (Kopokitanan abal) (id boros Ukraine). Kementerian Koubasanan om Dasar Maklumat Ukraine. 16 Mikat 2015. Naanu ontok 20 Mikat 2021.