Wp/dtp/Sompoton

< Wp‎ | dtp
Wp > dtp > Sompoton

Sompoton nopo nga iso kawo tuunion koubasanan tinaru Kadazan om Dusun. Tadon nopo tuunion diti nda id watas Tambunan, Sabah. Sompoton nopo nga winonsoi mantad piipiro kawo kakamot. Tulu nopo sompoton nga winonsoi mantad songinan tou. Tinan nopo nga winonsoi mantad walu langod do sumḇiling. Pioputon o tulu om tinan do sompoton momoguno piipiro kodut do sopinit. Tinan nopo sompoton nga kagasan do piipiro wila do tuai. Koubasan nopo pounion o sompoton nga ontok haro o karamayan. Milo nogi o sompoton gunoon pangampot do suminḏing.

Sompoton

Upa om buatan do sompoton miaga kozo do 'Bag-Pipe' ii tinoodo do tuhun Scotland, katapi kopisuvazan do sompoton om 'Bag-Pipe' nopo nga ii tuni, ingkuo pomoinan om onu gunaon do monoodo Sompoton.

Kiva 2 Baagi do Sompoton. Baagi koiso nopo nga Lombohon iso, Lombohon duvo, korandabit siibo om savat, kombitan om diha. Tinoodo mantad poing sumbiling. Iso noh mantad 2 Lombohon kiva tuni. Ii Lombohon au kouni gunaon monudu di Lombohon tiso. Korandabit savat om siibo misuvai tuni sabap misuvai tonouvan.Kombitan vagu miaga ngaavi anau' om tounizon dau 'rythym'.

Baagi koduvo Sompoton nopo nga tinoodo mantad do tabazag nokoing om inukab tonsi dau. Hugu' - hugu' do poing posokotan doid tabazag nokoing di do sopinit. Mamain nopo do Sompoton nga momoguno do tuntuu hongon vanan. Ii lubang doid poing do Sompoton noh papahabus tuni songian mamain do Sompoton.