Ramen nopo nga iso kawo taakanon Jepun id bontuk mi sup om mantad pogun China. Koubasanan nopo, posurungon o ramen miampai waig di tinanok, om momoguno momiro sawat miagal ko' daging wogok, rumpai rahat okoring, kamaboko, losun, om nogi tawaran. Doos tikid koiyonon toi ko' wilayah id Jepun haro kawo ramen sosondii, mantad ramen tonkotsu id Kyushu gisom ramen miso id Hokkaido.
Ramen Shōyu (kisap)
Sajara
Restoran Ramen id Johor, Malaysia
Sundung noruput do minangakan i Tokugawa Mitsukuni doo ramen ontok kolimpupuson abad ko-17, nga nalaku nogi o taakanon diti ontok timpu Meiji (ahal diti tu solinaid sajara, taakanon nopo do Jepun nga kogumuan mantad do rapaon om nogi rahat kanto). Kopointutunan taakanon Amerika om Eropah di mumang do koingkawas kopoosilan do daging kitonggungan tagayo id koinlaaban do ramen.
Pinointutun o ramen id Jepun ontok timpu Meiji. Silaon ramen nopo nga mantad Hokkaidō ontok zaman Taisho.
Sundung do mantad China, timpu kopio pinointutun o ramen id Jepun nga amu po oilaan. Nontodonon hogot "ramen" nogi nga kakal po piboros-boroson. Haro iso hipotesis i milo ponongkuyaan, id hombo "ramen" nopo nga pomoroitan Jepun montok hogot boros Sina (lamian). i kikomoyon do "mi gayaton" (ngaran di kakal po gunaon montok kawo mi miagal diti id boros sina). Iso po kaagu hipotesis id hombo (laomian) toi ko' "mi tua" nopo nga bontuk sandad dau om iso po kawagu hipotesis i kiboros do ramen nopo nga roitan sabaagi (lúmiàn), ii nopo nga mi di noonsok id sos di apakot om kikanji. Suai ko ii, (lāomiàn, "lo mein") ii kirati "mongukod' om kikomoyon do poposuang kaida' mogonsok mi diti miampai popoubug id suang waig di gumolok pogulu posolianon momoguno jaring dawai.
Id kotimpuunon timpu Meiji, olohou ramen do shina soba nga baino sabaag chuka soba tu lobi otorimo do tulun ginumuan. Ontok toun 1900, restoran-restoran i popotounda taakanon Sina mantad Canton om Shanghai, popotounda nogi do ramen di aasil mantad mi (i sininsib om okon ko' ginayat momoguno longon), miampai momiro om sup di pinorolot do silaon om tulang do wogok. Kogumuan nopo tulun sina nga mongukab do kadai mimpanau, papadagang ramen om ladu gyōza kumaa pakalaja. Ontok toun 1900-an, kadai-kadai diti nopo nga momoguno tiso kakamot di sougion i pinungaranan do charumera montok mamagayat ginawo moomoboli. Iti nopo nga iso koubasanan di kakal po gunaongisom baino maya pomologod rolou om rakaman di noulit. Ontok kotimpuunon timpu Shōwa, osili ramen sabaagi iso taakanon di korohian soira makan id soliwan do walai.
Alapas Pisangadan Pogun II, tapung omura; di noimport mantad A.S. nokosuang id Jepun. Id timpu nogii dii, ogumu souder Jepun di ginumili mantad China om tana' tagayo Asia Timur, kogumuan nopo diolo nga oubas no do taakanon Cina om pongukab no do restoran China id posorili Jepun. Sundung do popular, taakanon ramen nopo nga hilo no solian milo kanon.
Ontok toun 1958, minonoodo i Ti Momofuku Ando, minongimpu'un om ponorikohon do Nissin Foods, do mi tosikap. Mi tosikap nopo nga nosili isi todo'on Jepun di kalantoi kopio ontok abad ko-20 id iso pomoundian, popomilo isai-isai nopo do mangakan taakanon diti miampai momoruhang do waig talasu no.
Mantad 1980-an, nosili o ramen do iso kointutunan koubasanan Jepun om nosoriuk mantad mogisuusuai perspektif. Id timpu di miagal nogi, mogiikaakawo ramen Jepun di nokosolian id pasaran sompogunon om milo manganu maya ngaran koiyonon sandad. Iso muzium ramen noukab id Yokohama ontok toun 1994.
Gambalan Tohontol
Ramen layo poimbida mantad Hokkaido
Mi di gunaon id ramen nopo nga asil mantad apat bahan tohontol:
tapung gandum miampai gluten di ogumu
tusi
waig
Ramen kari opodos mantad Hokkaidokansui (かん水) - iso kawo waig di poimbida ii kiharo bahan kimia pinoruhang miagal ko' kalium karbonat, natrium karbonat om sumoonu nogi asid fosfat. Naanu o ngaran diti mantad iso kolumpa di poingiliu id Suang Mongolia, China ii oilaan kiharo tusi kimia miagal idi di akawas.
_1.jpg)
