Pijik
Pijik nopo nga ponoriukan kokomoi do kowoyo-woyoon do naatur mantad - kowowonsoion om kinagarason dau - mantad iri tokoro no kopio miagal do litoron om kuak kumaa di tagayo no kopio miagal do sompomogunan. Pijik nopo nga kokomoi do jirim, ginoris, tionon, ginuraan om nogi pinggisaman. Iri nopo nga ponimpuunan do kimia, bioloji kawawagu, sains pomogunan om tiknoloji. Komikonikan, koubatan kawawagu om tiknoloji pibatasan om kopoilaan sopigirot do misokodung montok koingkokoton id suang pijik.
Ponoriukan pijik nopo nga kosuang no do mikanik, linasudinamik, ilitronik, astronomi om susuai poh. Baino maso poh do gumayo id ahal-ahal poinwagu miagal do bioloji molikulan, nanotiknoloji om ikonomi om kotusinan. Kinoingkokoton id pizik kopongowit lopuson pomusarahan id suang pongintaban om nogi guas toilaan.
Tumanud koubasanan, pijik momoguno ponipangan tipangan montok ahal di kiwoyo. Tulun pijik sumontob do popoilo, id boros kointaban, kawawansayai om pogiompinaian di minomudali do pomogunan mantad di kakamot tokoto - zarah subatom miagal kuark om lipton - kumaa tinimungan galaksi adalaan ginayo, om monikid skala tukuran wookon dilo - miagal id saralom kogura-guraan nuklius, pogiuludan atom miampai binabang, kinodou, dinamik oborulong winaig, om kosimbanon rombituon om galaksi, id pialatan ginumu aplikasi suai. Papaampai iti pinsingilaan om kapapanahai kaadaton guas poinsorili, kosuang no hukum ginuraan, grabiti, liktromagnit, linasu, om pogiuludan mikroskopik. Tumanud ponoriukan ginuraan, sasabab do kopisuaian koguraan, kowoyo-woyoon jirim, kounsubo lotirik om magnit, om binabang, tulun pijik pinopointalang do kimia, nokoruba do binabang-X, somikonduktor, om supokokonduksian, om nokoilo isarat mantad kinohodion kosmos. Ilo nopo nga guas montok sains gunaon om kopomiwansaian it nokopogowit do pomogunan tokou mantad doid korita kuda kumaa do kapal tumulud tosiau (suposonik), mantad pilasut kumaa do lasor, mantad pos sumakai kuda kumaa do surat-i, mantad mongintob momoguno tunturu kumaa do kompiuto.
Maso do tulun pijik monoriuk di tongosiau, tongokoro, tongosodu, tangagayo, om nogi it tongkoubaso. Ponguhatan miagal do nantadon jisim, tinimungan rinumpuan togis, pangababakan simetri ginoris maso tolu dotik timpuunon katalib kawansaian semester, toi komposisi supokondaktor talasu, tulun pijik mongondos do sisimbar tohuri kopiontok, nung do awu - kosuang daa id tolungku do kogumuan. Ingaa bidang pinsingilaan nokoumbal minonimung ginisoman kotoilaan di poinggayo, om minongulud sonlinumis pijik. Nga, ogumu po it pinsingilaan! Pijik nopo nga bidang pinsingilaan nopunsuan kagayat ginawo id nonggo tongorubaan maso dumontol kopongowit do kosimbanon pomogunan id ralan di awu agampot do pomusarahan tokou do baino.