Mongolia (Bahasa Inggeris: disebut /mɒŋˈɡoʊliə/), nopo nga pogun ii aiso rahat koduo tagayo id Asia Timur om Asia Tengah. Mongolia nopo miwolit do pogun Rusia id koibutan om China id kabaatan. Mongolia nopo nga momguno sistem politik demokrasi kiparlimen. Kakadayan tagayo nopo nga Ulaanbaatar.
Mongolia nopo nga longkod Empayar Mongol id kurun ko-13 om pnorinta do Dinasti Manchu mantad abad 17 gisom 1911. Minonsondiri maya kouhupan mantad pogun Rusia id 1924. Soira noruntum Komunisme id 1989, noiduan di Mongolia ii komunisme om minonokodung do ko'oturan demokratik mimpuun do toun 1992. Mantad dii, nokosiliu Mongolia sabaagi pogun demokratik id bobos tomulok.
Miampai kogoyoon sompias 1,564,116 km persegi, Mongolia nopo nga pogun ko-19 tagayo id pomogunan. Kogumuan tana nopo nga arasak, amu produktif om noponu do sakot steppe, nulu-nulu nopo nga id koibutan om kotonobon. Gurun Gobi nopo nga gana ogis ii agayo id ponong kabaatan. 30% mogigion nopo nga poimpasi maya nomad ii no tu koposion miundaliu daliu miampai migit do kiim om piipiro kakamot montok popotilombus koposion. Majoriti mogigion nopo nga kiugama Buddha Tibet. Etnik nopo nga mantad Monggol, Buriat, Kazakh om Tuvan poingion id kotonobon. Iso per tolu mogigion nopo nga poingion id Ulaanbaatar.
Sajara pogulu edit
Etnik Mongolia nopo nga poingion id koiyonon diti ontok timpu prasejarah. Poimpasi yolo maya nomad.