Koisaan Pibatasan Koibutan Atlantik nopo nga koisaan do Katantaraan mantad 28 pogun Eropah om 2 Pogun mantad Koibutan Amerika. Koisaan diti popoindalan do Pibatasan Koibutan Atlantik it tinandatunturu id toun 1949, 4 Ngiop.
Koisaan diti papasarabak do sisitem koumoligan kolektif. Mantad dii, kaanu oo puru pogun monguhup pogun suai di asangod. Koinonon operasi induk koisaan diti nopo nga id Haren, Brussels, Belgium. Nga, markas Operasi Komando dau nopo pongion id Mons, Belgium.
Mantad di kinoingkakatan do koisaan diti, mininsawat oo ginumu puru mantad id 12 pogun moi 30 pogun.
Sajara edit
Id tadauwulan 4 Gomot 1947, Pibatasan Dunkirk tinandatunturu miampai pogun Perancis om United Kingdom sabaagi batos koisaan sokikiro do mogowit kagu oo Jerman toi ko Koisaan Soviet do sangod ahapas Sangod Sompomogunan Ko-2. Id toun 1948, koisaan diti nakalaab mantad kinosuangan do pogun Benelux, id bontuk Koisaan Kotonobon toi ko otutunan nogi sabaagi Tinan Koisaan Brussel, winorun maya Pibatasan Brussels. Pitimbungakan kokomoi kopoingkakatan koisaan katantaraan popohompit do pogun mantad boogian Amerika Utara, mantad dii, nakasaga ngai om natandatunturu nogi oo Koisaan Pibatasan Koibutan id 4 Ngiop 1949. Pogun-pogun di poinghompit nopo nga pogun mantad id Koisaan Kotonobon miampai Amerika Syarikat, Kanada, Portugol, Itali, Norway, Denmark om Iceland. Paranan koisaan diti okito oo kinoposian mamaaso Sangod Korea.
Pogun Puru edit
- 4 Ngiop 1949
- 18 Mansak 1952
- Yunani
- 9 Mikat 1955
- Turki
- 30 Mikat 1982
- Sepanyol
- 12 Gomot 1999
- Hungary
- Poland
- Republik Czech
- 29 Gomot 2004
- Bulgaria
- Estonia
- Latvia
- Lithuania
- Romania
- Slovakia
- Slovenia
- 1 Ngiopl 2009
- Albania
- Croatia
- 5 Mahas 2017
- Montenegro
- 26 Gomot 2020
- Macedonia Utara
Category:Wp/dtp