Fatimah Binti Abu Bakar (nosusu ontok 3 Gomot 1955) songulun mimingkono', wartawan om nogi monunuat id Malaysia[1]. Suai ko kikalaja do mimingkono', koumbal isido nadadi do wartawan om monuunuat abal New Straits Time nogi naanu sabagi mongiingia id Akademi Fantasia. I Sharifah Aleya, Sharifah Amani, Sharifah Aleysha om Sharifah Aryana, tongotanak tondu dau nga mimparagat nogi id gana pingkana'an[2].
Fatimah Abu Bakar | |
|---|---|
| Kinosusuon | Fatimah binti Abu Bakar Gomot 3, 1955 |
| Occupation(s) | Mimingkono, wartawan, monunuat, jurulatih lakonan |
| Years active | 1984–dinondo |
| Spouse | Syed Zainal Rashid Al-Yahya |
| Tanak | 4 |
| Parents |
|
Koposion om kalaja
Nosusu isido ontok 1955 id Pulau Tikus, Pulau Pinang[3]. Tapa dau i Abu Bakar Mohd Noor nopo nga kisakag do Benggali nga tama dau i Rohani Tan Abdullah (Tan Mooi Gee) nga kisakag do Sina mantad Hainan, China. Nakaanu i Fatimah do pondidikan gulu id Residency Road Girls School om pondidikan sikul takawas dau id St. George's Girl School, koduuduo sikul diti nopo nga hilo id Pulau Pinang. Minundaliu nogi isido id Kuala Lumpur montok mongoput do pinsingilaan dau id gana Komunikasi Massa hilo id Universiti Teknologi Mara (UiTM).
Kalapas naawi o pambalajalan dau id UiTM, duminaftar yau id New Straits Times sabaagi wartawan amali om notorimo nogi isido sumusuhut minomuru sabaagi monuunuat do abal "I Am Women". Kiwaa nogi gaab di Fatimah montok minluda id gana seni teater ii nabalajalan dau mantad sikul tosiriba om koumbal nakatanud do koposolimbahan id Kelab Teater Kuala Lumpur.
Maamaso mimparagat id gana teater, pinointutun i Fatimah kumaa di Datin Paduka Shuhaimi Baba om i Allahyarham Mustaffa Noor. Mimpuun mantad di, ogumu ahal teater, ingkono'on om suusuai po ii sinoriuk dosido om tuminanud nogi yau diolo do mimparagat id suang pamarakaman filem om drama televisyen.
Nolohou isido do ASTRO sabaagi monuunuduk montok ababayan realiti TV, Akademi Fantasia hinonggo tinahak isido do tonggungan montok monuduk do tongotulun id kawaawagu nogi id suang gana seni muzik om ingkono'on. Sumusuhut, minonuridong i Fatimah do Salt Media Consultancy om Artitude Productions ii popoinpangkal do editorial, kopolobusan do kakamot ii poinsuat, momoluda do tininmungan korporat id suang pogibaabarasan awam om tongoulun wagu id gana ingkono'on.
Ponolikud
Suminawo isido miampai di Syed Zainal Rashid Al-Yahya om kiwaa apat tanak tondu, i Sharifah Aleya, Sharifah Amani, Sharifah Aleysha om i Sharifah Aryana ii ngawi diolo nga mimparagat nogi id suang gana ingkono'on.
Sukuon
- ↑ Brigitte Rozario (9 November 2009). Meet supermum Fatimah Abu Bakar The Star. Diperoleh pada 2 Julai 2010.
- ↑ Where I’m coming from: Fatimah Abu Bakar Poskod.my. Dicapai pada 18 Jun 2018.
- ↑ Aini Nawawi (20 Ogos 2017). Fatimah Abu Bakar suka berimaginasi Utusan Malaysia. Dicapai pada 18 Jun 2018.