Cleopatra Ptolemy VII, Cleopatra VII Thea Neotera toi ko' Cleopatra Philopator (Yunani: Кλеопатра; Milatok 69 SM – 12 Magus 30 SM) nointutunan sabaagi tongondu di koligogon, tongondu di kaanu mamagayat kusai di kikuasa di pomogunan, iri no tu Julius Caesar om Marcus Antonius (toi ko' Marc Antony). Susuyan di pinotungkus mantad mitos, buuk,om filem. Koooyo di poimbida, daya pamagayat di ogingo, iman - imanon di agayo poposiliu Cleopatra sabaagi songulun tongondu di obulun om kaanu sumiliu boyoon pomogunan. Koposion dau miagal sundait di ogingo. Sundung po ingkaa, id dolikud tungkus dii, haro iso kinogompoton dau, iri no tu sumiliu boyoon iso pogun. Piramid Firaun nopo nga koposion di alaid no, miagal kinoloidan Cleopatra nung piadangan do timpu dinonodo.
40 toun pogulu po kinosusuan Nabi Isa, Cleopatra mangalapau Porinta Rom di minsawat kuasa om lobi mongumpuronok ko kuasa suai id pomogunan. Sabab no dii, sobogian tulun minomoros do yau nopo songulun tondu di osuai om kikoimayaan. Ogumu sorita di nokoimbulau iso timpu dau nokorikot mantad nuut hali Rom om Yunani di koumbal do mioput do koporintaan dau nga okon ko no au mintong nga nam au opusou dau; iso mantad piipito sorita di nokorayad nopo nga popokito do Cleopatra nopo nga tondu di orohian do mingansau nga hinta mantad Mesir nopo nga popokito do ahal posomputul.