Kota Bandung nopo nga ibu kota montok provinsi do Jawa Barat id Indonesia. Id nopo dipogulu po, kota nopoditi nga
lohou'on sabaagi do Parjis van Java iri no tu mogowit komoyon do "Paris di Jawa" id boros do Belanda. Sabab do iti nopo kota ti nga poingiliu id kinoyonon di kiwaa rinantai di asawat, Bandung nopo diti nga nointutunan sabaagi kota id kiwaa kouyuuyuon talun di asadang om nokosiliu nogi kinoyonon do ponombuluian di abantug. Suai po, id Bandung nogi diti nga kiwaa ogumu kinoyonon id manahak pondidikan miagal ko' pondidikan taang takawas doung awam. Ahal diti no id minanahak kobontugon kota Bandung sabaagi kota susumikul id Indonesia.
Sajara edit
- Antakan toun 1488, nokolodi o' Bandung sabaagi iso boogian do koporintaan Pajajaran.
- Toun 1799- Syarikat Hindia Timur Belanda nopo nga nokotimbaba do koinsusuton gisom do ii nopo pintaanga do watas Nusantara nga naanu om noporinta do Belanda. Antakan nopo di nga, i Bupati R.A. Wwiranatakusumah Daendels o' minomorinta o' kota Bandung.
- Toun 1808- Belanda nopo nga minaganu di Herman Willem Daendels sabaagi do Gabenor Jeneral id Nusantara di, kalapas do nokoidu kopomorintaan Syarikat Hindia Timur Belanda.
- 1809- Bupati minomorinta do ii nopo ibu kota do Karapyak maan poundoliho kumaa iso watas id disan Bawang Cikapundung (oilaan nogi do Medan dinondo).
- 1810- Daendels pinoposuhak sukud id disan Bawang Cikapundung om minomoros do “Zorg, dat als ik terug kom hier een stad is gebouwd!” id kirati do "Mai no, soira do koguli oku, mositi do poingkakat no kota do hiti!" Baino nopo, nosiliu o' kinoyonon dii sabaagi do pusat do kota Bandung.
- 25 Mikat 1810- Minokianu i Daendels kumaa di Bupati Bandung om Parakanmuncang do papawaliu ibu kota kumaa kinoyonon di (Bawang Cikapundung).
Kinoyonon Di Kagayat Ginawo edit
Bandung nopo diti nga nointutunan sabaagi kota di kiwaa ogumu tomod kinoyonon id haro bangunan di nakalaid no om kiharo elemen toi ko' koyuuyuon do rinda doung Belanda.
- Muzium Geologi Bandung
- Muzium Wangsit Mandala Siliwangi
- Institut Teknologi Bandung
- Vila Isola, UPI
- Lembang, watas di kiwaa kouyuuyuon talun di asadang id Utara do Bandung
- Gedung Merdeka om Museum Asia-Afrika id hinombo kinoyonon do pibarasan do Asia-Afrikas (1955).
- Gedung Yayasan Pusat Kebudayaan