Kevin-Prince Boateng (German: [ˈkɛvɪn ˈpʁɪns boaˈtɛŋ]; dɔgebo bebiri da la 6 Maakye 1987) da waa la bɔle ŋmeɛrɛ kpoŋ, ka o bɔle ŋme arezie da e medefelda bee fɔɔwɛɛde.[1] Ba da dɔge o la a Germany paaloŋ poɔ, o da ŋmeɛrɛ kora la a Ghana bɔle ŋmɛ tiimi.
A yi o bibiiloŋ piiloŋ zaa, Boateng piili la o tonnoɔre ŋa a yi a Hertha BSC, kyɛ paaŋ leɛ gaa te ŋmeɛrɛ kora a Tottenham Hotspur naŋ be a England paaloŋ. A paaŋ yi saŋa na o nɔdegere neŋ Borussia Dortmund, Boateng leɛ gaa la Portsmouth. A yi a yuoni 2010 poɔ la ka o leɛ gaa te be la Serie A a ko AC Milan, ka o paaŋ di a bɔle ŋme gandaa o yuompiiloo na. Boateng paaŋ bare la a Milan o yuomo ata puoriŋ, kyɛ leɛ gaa a Germany a te ŋmeɛrɛ koro Schalke 04. A Gyɛnoɔre 2016 yuoni poɔ ka o leɛ gaa a Milan, a gaa nyɛ kyuuri ayɔɔbo, a paaŋ leɛ gaa Spanish tiimi ŋa ba naŋ boɔla Las Palmas. Boateng la leɛ gaa la Germany paaloŋ o gbɛre bota soba a yuoni 2017 te ŋme ko Eintracht Frankfurt, kyɛ paaŋ leɛ gaa te paare a Italian tiimi Sassuolo. Ka o paaŋ wa de nɔdegre ŋmaa ne Barcelona, a paaŋ di a La Liga bɔle ŋme gandaa, lɛ la ka o leɛ gaa Italy te paare a Fiorentina. A Gyɛnoɔre 2020 yuoni poɔ la ka de kyuuri ayɔɔbo nɔdegere ne Turkish tiimi Beşiktaş, kyɛ a Sentɔmbare 2020 poɔ ka o gaa Monza.