Ophelia Mensah Hayford e la a Ghana palamɛte neɛ kaŋa, naŋ da are a 2020 vootuu . [1]O da di la a 2020 palamɛtere dakogi a Mfantsiman paaloŋ poɔ.[2]
O e la; Hon, a Ghana palamɛte poɔ naŋ are ko a Mfantsiman paaloŋ.
O Nyɔvore Piiloŋ Ane O Sakuuri Gaabu Yɛlɛ
Hayford, ba dɔge o la a 29th Ɔɔtorebare kyu 1973 saŋa. O baa la a Akwapim-Akropong a sapare a Ghana poɔ. O e la o Bachelor's degree ko pɔlɛtikal science ane kɔkɔrɛ zannoo yɛlɛ a 2012. O leɛ gaa la te nyɛ o bee zane begɛ kyaare ne nensaalba yɛlɛ; A tendaa zaa nensaalaba merɛ/begɛ yɛlɛ a 2018 poɔ.[3]
Toma Ane Ba Naŋ Iruu
Ophelia wa e la a zutuuro a ko a Ghana merɛ gurobo(pɔlisiri) ASP. O wa e la a pɔlisiri nekpoŋ a Ghana pɔlisiri poŋ. Ophelia Hayford da toŋ la a interpol unit a CID yir-kpoŋ poɔ. Ophelia wa poɔŋ la a Ghana pɔlisiri poɔ a 1993 yuoni poɔ. A yi o toma puoriŋ o toŋ la a pɔlisiri poɔ yuomo lezaayi ane a yoɔpoi (27years).[4]
Pɔletese Yɛlɛ
Hayford e la a wɔɔ paate neɛ kaŋa (new patriotic party). O serɛ naŋ da kpi "Ekow Hayford" meŋ wa e la a Gaana palamɛti neɛ a ko a Mfantsiman paaloŋ. [1]O serɛ na kūū puoriŋ la ka Ophelia da iria te leɛre o serɛ na zu a palamɛti poɔ a ko a Mfantsiman paaloŋ deme. Kyɛ o naŋ da e a Gaana pɔlisi nekpoŋ baare O da sɛge la gane na wuli ka o ba leɛ poɔ a pɔlisiri poɔ, naŋ wuli kyaare a Ghana merɛ gane (1992 constitution). A saŋ na o pãã na baŋ tõɔ yi gaa ka ba te vooti O.[5][6]
2020 Vootuu/Vootiŋ
A December 2020 poɔ,ba da iruu la ka o e a palamɛte neɛ a ko Mfantsiman paaloŋ, A yi o naŋ da di a vootuu a wɔɔ paati NPP poɔ. [7]O da nyɛ la 36,091 noba naŋ da vooti ko o ka a are ko 51.83% a ko a vootiŋ zaa, kyɛ ka a kataweɛ paati neɛ James Essuon ane a GUM paate Alijatu lbrahim ba da nyɛ la 32,379 ane 911 vootiri naŋ da are ko 46.76% ane 1.31% ko a vootuu zaa.[2][8][9]
Kɔmɛttee
Hayford e la a dakogi zu ayi soba naŋ kaara a sojare ane pɔlisiri merɛ gurobo a kɔmɛtee yiri poɔ.[3]
Meŋɛ Nyɔvore Yɛlɛ
O e la Ekow Hayford pɔgɔ naŋ kpi.[10] O taa la biiri ba yi kyɛ naŋ e kirista bie.[11]
Sombo Yizie
- ↑ 1.0 1.1 https://mobile.ghanaweb.com/GhanaHomePage/NewsArchive/Ophelia-Hayford-now-Mfantseman-Parliamentary-candidate-1087630
- ↑ 2.0 2.1 https://www.graphic.com.gh/news/general-news/widow-ophelia-hayford-wins-mfantsiman-seat.html
- ↑ 3.0 3.1 https://www.parliament.gh/mps?mp=22
- ↑ https://www.ghlinks.com.gh/ophelia-hayford-biography-ekow-quansah-hayford/
- ↑ https://www.ghanaiantimes.com.gh/npp-confirms-mrs-ophelia-hayford-as-mfantseman-pc/
- ↑ https://www.graphic.com.gh/news/politics/late-mfantseman-mp-s-wife-ophelia-hayford-tipped-as-npp-s-replacement.html
- ↑ https://citinewsroom.com/2020/12/slain-mps-wife-pledges-to-empower-women-youth-in-mfantseman/
- ↑ https://www.gbcghanaonline.com/news/politics/2020-election-ophelia-hayford-wins-mfantseman-seat/2020/
- ↑ https://ghanaelections.peacefmonline.com/pages/2020/parliament/central/mfantseman/
- ↑ https://www.myjoyonline.com/
- ↑ https://ghanamps.com/mp/ophelia-hayford/