Elizabeth Afoley Quaye(Doge o la 1970 yuoni ) Pampana ŋa o na begemaala naŋ are ko a Krowor nu-neɛ lombori naŋ be Accra teŋa a Gaana paaloŋ poɔ. O e la gɔmmenɛnte kpambeɛ naŋ kaara zema aneŋ koɔŋ poɔ bonvooree[1].
O Sakuu Gaabo
O taa la gama mine ba naŋ boɔla Bachelor of science degeree a yi koɔbo boma aneŋ koɔbo daa diibu a yi a Central University college. O da nyɛ la gama mine ba naŋ boɔla National diploma a yi koɔbo toma a yi a University of Ghana, o da lɛ nyɛ la gama mine meŋ a yi koɔbo toma a Kwadaso Agricultural College[2].
O Toma
Elizabeth toŋ la gɔmmenɛnte kpaarõõ ŋa naŋ kaara sēēmãã aneŋ koɔbo toma, o da e neŋkpoŋ ŋa naŋ kaara boma koɔbo ka ba boɔla principal production officer, o da toŋ la a zie ŋa yuomo lizare. O e la begemaala naŋ are ko a Krowor nu-neɛ lombori a kyɛ lɛ e gɔmmenɛnte kpambeɛ ba naŋ iri ka o kaara zema aneŋ koɔŋ poɔ boŋvooree[2].
O Naakoɔ̃ Toma
Elizabeth Quaye da are la a wɔɔ paati poɔ nu-neɛ kyaakyaa a da di a are ko a Krowor nu-neɛ lombori naŋ be a Accra teŋa a Gaana paaloŋ poɔ 2015 yuoni. A 2016 nu-neɛ kyaakyaa kpoŋ yuoni o da di la a kogo ako a wɔɔ paati a da are ko a Krowor nu-neɛ lombori. O da arɛɛ a poɔ noba bata mine meŋ naŋ da are ka ba boɔla Agnes Naa Momo Lartey naŋ da e a kataweɛ paati bie, Hugo Kofi Huppenbauer naŋ da e mwinaa paati bie aneŋ Amartey Fanny naŋ da e a Kube paati bie. Afoley Quaye da di la a nu-neɛ kyaakyaa aneŋ nuuri yaga ka a da e 32,463 a yi a nuuri zaa de lantaa naŋ da e 63,555 kɔɔ poɔ aŋ da e 51.08% a yi a nuuri zaa de laŋtaa[3].
O da lɛ arɛɛ a 2020 nu-neɛ kyaakyaa kpoŋ ako a wɔɔ paati kyɛ ka Agnes Naa Momo Lartey naŋ e a kataweɛ paati bie da deɛ a kogo ako a kataweɛ paati, Agnes Naa da e la a kataweɛ paati bie ŋa Afoley Quaye naŋ da tuori a 2016 nu-neɛ kyaakyaa kpoŋ yuoni[4].
Omeŋa Nyɔvore
O kuli la serɛ a doge biiri banaare, o e la kristabie[5].
Sombo Yiziiri
- ↑ https://web.archive.org/web/20170115032341/http://starrfmonline.com/2017/01/12/profiles-akufo-addo-reveals-names-11-ministers/
- ↑ 2.0 2.1 http://citifmonline.com/2017/01/12/elizabeth-quaye-nominated-for-ministry-of-fisheries-aquaculture/
- ↑ http://ghanaelections.peacefmonline.com/pages/2016/greateraccra/126/index.php
- ↑ https://www.graphic.com.gh/news/politics/fisheries-minister-elizabeth-afoley-quaye-loses-krowor-seat.html
- ↑ http://ghanamps.com/mps/details.php?id=5475