Derrick Oduro (Dɔge o la 23 Fɛboɔre 1958 yuoni) o e la Gaana pɔleteseɛŋ aneŋ Kpaŋkpaŋ kpieŋa tontona naŋ deɛrɛ pɛnnoo, o da poɔ la Gaana Kpaŋkpaŋ kpieŋa toma poɔ. O e la a wɔɔ paati bikpeɛŋaa aneŋ gɔmmenɛnte kpambeɛ potuuro naŋ kaara guubu yɛlɛ[1][2][3][4][5]O e la begemaala naŋ are ko Nkoranza North nu-neɛ lombori naŋ be a Brong Ahafo pampana ŋa ba naŋ boɔla Bono East Region[6]
O Nyɔvore Piiluu Aneŋ O Sakuu Gaabo
Oduro yi la Dromankese naŋ be teŋa ŋa ba naŋ da boɔla Brong Ahafo irigyin pampana ŋa Bono East irigyin a Gaana poɔ. O taa la gama mine ba naŋ boɔla Masters of Arts a yi nu-neɛ naaŋ aneŋ wedeɛ yɛlɛ a yi sakuukpoŋ ŋa ba naŋ boɔla Ghana Institute a Management ane Public Administration ka o ŋmaa e GIMPA. O lɛ taa la gama mine ba naŋ boɔla Diploma in Public a yi sakuukpoŋ ŋa ba naŋ boɔla Institute a Accountancy ane Training aneŋ gama mine a yi Cranfield University[7].
O Toma Aneŋ O Naakoɔ̃
Oduro da tona la bursar toma a yi Akosas Business College a yi 1977 yuoni a te tɔ 1979 yuoni. A puoriŋ oŋ wɔ kpɛ a kpaŋkpaŋ kpieŋa toma a 1979 yuoni poɔ a te tɔ a 2005 yuoni poɔ. O da deɛ la pɛnnoo a yi a kpaŋkpaŋ kpieŋa toma[8] a kyɛ da leɛo dakogo soba ako a Nkoranza distriki a yi a 2005 yuoni poɔ a te tɔ a 2007 yuoni poɔ.
A 2007 yuoni poɔ a wɔɔ paati poɔ o da nyɛ la zunnoɔŋ a nu-neɛ kyaakyaa poɔ a da di kogo a yi paati nuba mine meŋ naŋ da are, a da are ko a Nkoranza North nu-neɛ lombori a wɔ tɔ zine[9].
Oduro da arɛɛ a 2020 yuoni nu-neɛ kyaakyaa kpoŋ a wɔɔ paati yuori eŋɛ a kyɛ kɔŋ a kogo ako Joseph Kwasi Mensah naŋ da e a Kataweɛ paati bikpeɛŋaa. Mensah da nyɛ la nuuri ka da e 15,124 a yi a nuuri zaa de lantaa kyɛ ka Oduro meŋ da nyɛ nuuri ka e 10,978[10].
Omeŋa Nyɔvore Yɛlɛ
Oduro taa la pɔge aneŋ biiri bayoɔbe, o e la kristabie. O gɛrɛ la Seventh Day Adventis[11][12].
Kɔmɛtiiri O Naŋ Toŋ
O e la neɛ naŋ da poɔ dɔba bēē pɔgeba aneŋ bibilee kɔmɛtii, daadiibu bēē yaako kɔmɛtii aneŋ Pɔla aneŋ Sare, kɔɔdɛne aneŋ saaŋkoŋ yɛlɛ kɔmɛtii[6].
Sombo Yiziiri
- ↑ https://web.archive.org/web/20190924104720/http://ghana.gov.gh/index.php/governance/deputy-ministers
- ↑ http://www.graphic.com.gh/news/general-news/akufo-addo-releases-names-of-deputy-ministers-designate.html
- ↑ https://yen.com.gh/90398-list-akufo-addos-50-deputy-ministers-news-ministers.html
- ↑ http://citifmonline.com/2017/03/15/akufo-addo-names-50-deputies-4-ministers-of-state/
- ↑ https://www.ghanaweb.com/GhanaHomePage/religion/Akufo-Addo-picks-deputy-ministers-511811
- ↑ 6.0 6.1 https://www.parliament.gh/mps?mp=185
- ↑ https://www.parliament.gh/mps?mp=185
- ↑ https://www.graphic.com.gh/news/politics/okro-mouth-media-inciting-public-against-mps-major-rtd-derek-oduro.html
- ↑ https://www.parliament.gh/mps?mp=185
- ↑ https://www.graphic.com.gh/news/politics/nkoranza-north-deputy-defence-minister-loses-to-ndc-s-kwasi-mensah.html?fbclid=IwAR2pAk-L-WLwGK701CPWPS5xxUQgDDH9dbXUKOtAASbRhgbvrZZcwMJQ_tY
- ↑ http://www.ghanamps.com/mps/details.php?id=2497
- ↑ http://www.ghanamps.com/mps/details.php?id=5527