Libipelaa: Dagaaba libipelaa e la libie te saakommine naŋ da maŋ te de dire neŋ ba daa. A e la libiyuori ka a wuli ka pampana ka neɛ zaa naane na baŋ nyaa. A libipelaa ama la ka te saakommine da maŋ de to kyɛre ne ba pɔgeba kyɛ a meŋ na tuuro te ti la garɛ, neɛ na taa bee koŋ baŋ nyɛ a libie ama , a koŋ kyɛre o pɔge bee maale o pɔge yɛlɛ fee zaa see ka libipeɛlaa bebe bonso a e la te saakompare bone. A meŋ la; ka fooŋ gaa tēē erɛ zie anaŋ la ka o maŋ de a boɔle a ŋmene bilii ka a wa, anaŋ la o maŋ de lɔɔ kyɛ baŋ yel yɛlɛ ka o soba. Dankore saŋa ka neɛ koɔ o endaa zie kaŋa a lie ama la ka ba maŋ de eŋ a kõɔ poɔ ka o soba erre waara a zie na koɔ. A saŋa na a cidirii na ba te yi, a libipeɛlaa la ka ba dire, a maala ne ba yɛlɛ eŋe. A le paa wuli ka Dagaaba saakommine bone koŋ kpi wee lɛ; a libie ama na taa la yuori a wa tɔ zene.[1]
Libipeɛlaa tonɔɛ
1) Te saakommine da maŋ de la a libie ama dire neŋ ba da.
2). A maŋ la Dagaaba maŋ de te maale neŋ bee kyɛre neŋ ba pɔgeba yɛlɛ.
3). A na la tēē erre meŋ de boɔle ba ŋmemɛ bee de lɔɔ biŋ kyɛ baŋ yɛlɛ na aŋ bebe.
4). Meŋ maŋ baŋ eŋ la laa poɔ ka neɛ kɔɔ o endaa zie kaŋa, be poɔ la ba maŋ eŋ a kõɔ kyɛ errɛ waara a zie na aŋ kɔɔ. 5) Ana waa la bee e la yuori bone ko te saakommine te Dagapaaloŋ poɔ.[2]