Bigruu Yelyagesɛgraa ; Te dagapaaloŋ bee laŋkpeɛbo poɔ, a maŋ wa ta la saŋa kaŋa ka a seŋ ka te bigri yɛlɛ mine ko taa bee anaŋ te naŋ maŋ woŋ. A lɛ ŋa eebo la ka ba boɔla ka bigruu Yelyagesɛgraa. Neɛ naŋ nyɛ bigre bone, yeli bee neɛ seŋ ka o yelyelli nyɛrɛ taa ka a kyɛlle kyɛlleba tõɔ kyɛlle bee woŋ a yɛlɛ soŋ. Ka fooŋ naŋ bigiri neɛ, a seŋ ka fo wuli a soba endaa waaloŋ bee yɛlɛ, o nensaaloŋ, yɛlɛ noba naŋ yɛlɛ kyaare neŋ o soba bee nensaaloŋ, ane lɛ fooŋ meŋ naŋ maŋ nyɛ a soba waaloŋ. A zie bee yeli la, a seŋ ka fo wuli o yuori, o waaloŋ ane ziiri mine ne aŋ peɛle taa.
Aseŋ;
(1) Bigri fo meŋɛ.
(2) Bigri fo zɔmeŋɛ kaŋa yɛlɛ fo naŋ nɔŋ bee ba nɔŋ, wuli fo anaso.
(3) Bigri fo bondi nɔnaa kaŋa.