Bal e la teɛ kaŋa boora bee doŋa kaŋa naŋ da toŋ toma kaŋa ka a naŋ baŋ e sommo a faa neɛ, noba, bee yiri kaŋa deme.
A yi a sommo na o naŋ da soŋ zuiŋ la ka Dagaaba maŋ de o ka waa aŋa ba kaŋa ka e feroo ka ba maŋ kɔrɔ o gyeremɛ teseŋ ba kaŋa.
A maŋ eɛ la feroo ka a noba bee a yiri na deme zaa de o ka o waa bontuo kaŋa na naŋ ba seŋ ka ba ko o bee di o boŋso ka fooŋ boŋ kyɛ kpãã toori a di o bee ko o, kūū na baŋ ko la a neɛ na bee a yiri na deme zaa pɔge pare.
Bal mine
*Ɛbaa
*Ŋmaaŋa
*Buli poɔ zomo
*Gyuuni
*Selgyuuni
*To-teɛ
*Tãã teɛ
*Ga-teɛ ane ataaba.
Kyɛ ka gbɛɛ yaga zaa Bal maŋ taa la sori bee gbɛre kaŋa o naŋ maŋ tu ka. Bal ba bona tuuro tuubu yɛrɛɛ lɛ. Gbɛɛ yaga yiri bee zaga la zaga zaa ka a seŋ ka o taa Bal.
Bal Gbɛɛ tuuri mine
*Bɛkõɔnɛ ane ba bal
*Mɛtoɔlɛ ane ba bal
*Kpanyagena ane ba bal
*Kusiele ane ba bal
*Birifuolɛ ane ba bal
*Dikpeɛlɛ ane ba bal ane amine kaŋ.
Bal tɔnɔ mine
*A maŋ taŋe la kpããbo kaŋa ko a baapaaba.
*A maŋ wulo la yipɔge tɔnnoo.
*A maŋ vɛŋ la Dagaaba boŋ taa ka bana lantaa zie kaŋa.
*A maŋ digere la yelfaare bara a yiri poore.
*Gbɛɛ yaga a maŋ vɛŋ la Dagaaba baŋ boŋkaŋa na naŋ baŋ e a yiri poɔ. Ane amine kaŋa.
Bal Faaloŋ mine
*A maŋ ŋmaara la dabeɛŋ ennɛ a baapaaba.
*A maŋ ŋmaara la Sefaare waana neŋ a yiri poɔ.
*Amine bebe ka ana wa uri lɛ wuli ka neɛ kaŋa na bare la zuuri a yiri. Ane amine kaŋa.