Atizigi Lawrence e la Gaana bɔlŋmeɛrɛ na naŋ maŋ go a bɔle o ŋeɛbo saŋa.
A yuonturaayi ne pie ne anuu poɔ, Ati-Zigi da paale la Red Bull Salzburg ayi Gaana bondiraa bɔlŋmɛ bɔge Red Bull Gaana. Ba da de la Ati-Zigi ko FC Liefering wieu wieu lɛ ka o gaa te ŋmɛ bɔle Austria ayi Liga. O da te paale la o bɔlŋmɛ taaba naŋ da yi Gaana a paale David Atanga ane Raphael Dwamena.Ati -Zigi bɔl dɛndɛŋ ko Liefering da e la Kyuuri anaare, beri pie ne ayɔpoi yuoŋ Turaayi ne pie ne anuu, a daare na o bɔlŋmɛ bogi na da di la TSV Hartberg golo anaare ka ba meŋ da yaa bonyeni a Untersberg-Arena poɔ. O dɛndɛŋ ŋmeɛbo na da vɛŋɛɛ la ka da ŋmɛ a mine meŋ tuuli taa gɛrɛ ŋa ayoɔbo gaa nimitɔɔre. A bɔlŋmɛ yuoŋ dɛndɛŋ na baaroo, o da ŋmɛ la a bɔlŋmɛ kyaakyaa na ayoɔbo ane Liechtenstein a da baare a ayi a yuoŋ Turaayi ne pie ne anaare, yuoŋ Turaayi ne pie ne anuu Australian bɔlŋmɛ Dɛndɛŋ na poɔ.A bɔlŋmɛ vuo na kaŋa naŋ wa pare,o da ŋmɛ la ba bɔlɔ pie ne ayoɔbo ayi bɔlŋmɛre lizare ne pie ne ayoɔbo poɔ ka ba bɔlŋmɛ kpaŋpiri na o naŋ da ŋmeɛrɛ korɔ na da baare a anaare soba a yuoŋ Turaayi pie ne anuu, pie ne ayoɔbo Australian bɔlŋmɛ dɛndɛŋ vuo na poɔ. O da la paale la a Red Bulls Salzburg bɔlŋmɛ daare na poɔ deme bui, ka lɛ da vɛŋ o meŋ da nyɛ la a bɔlŋmɛ kyɔɔtaa bona ba naŋ boɔlɔ mɛdale a Salzburg naŋ da di a bɔlŋmɛ kpaŋpiri a yuoŋ Turaayi ne pie ne anuu, pie ne ayoɔbo Australian bɔlŋmɛ Bundesliga.A o bɔlŋmɛ baaraa kpakple a Liechtenstein eŋɛ, o da ŋmɛ a bɔlŋmɛ kpakple na poɔ pie ne bonyeni a na soŋ a o bɔlŋmɛ kpakple bɔge na nyɛ voore ayi soba a yuoŋ Turaayi pie ne ayoɔbo,pie ne ayɔpoi yuoŋ baaraa na a Australian bɔlŋmɛ dɛndɛŋ ŋmeɛbo na poɔ. A laŋ a zaa o da ŋmɛ la bɔlŋmɛ kpaŋpiri Lizare ne pie ne ata a ko Liefering a yuomo ayi naŋ.