Asibiti e la yiri kaŋa bɔnne naŋ mɛ bee ŋmaa ka o waa laafeeloŋ yiri ka ba sanna baaleba. O e la yiri ba naŋ de tĩĩ pɛɛpɛɛ zaa biŋ be kyɛ de tontonneba mine eŋ ka ba maŋ sanna baaleba. Ka fõõ na nyɛ sori gaa tona a asibiti yiri kaŋa zaa a seŋ ka fo neɛ naŋ gaa sakuuri a te zanne gaa nimitɔɔre a taa teɛroŋ kyaare neŋ lɛ baale ne baala zaa na naŋ baŋ nyɛ sambo yineŋ tĩĩ tori na zaa fo na naŋ de ko o.
Ka fo zu, poɔ, toore, gbɛɛ, nyɔbogiri, eŋbane zie zaa na ba taa laafeɛ ka fo gaa be fo naŋ nyɛ la sambo. A lɛ wuli ka baaloŋ zaa maŋ taa la o toɔre tĩĩ ane o sambo. A yi a tĩĩ naŋ be o poɔŋ, be la ka ba maŋ kyɔge neɛ ka a na Senne lɛ.
A bɔnne vɛŋ la neɛ ne neɛ zaa na be a Ghana poɔ taa foto kaŋa ba naŋ boɔlɔ ka laafeeloŋ gane ka nansaala meŋ maŋ boɔle ka ''National Health Insurance Scheme (NHIS )'' ka fõõ na gaa a asibiti yiri a naŋ nyɛ sambo a seŋ ka ka fo de o ona ka baŋ nyɛ a sambo. Ka fõõ ba taa o ba maŋ eŋ la ka yɔ sama mine kyɛ baŋ nyɛ a sambo.