Wp/dga/Abena Durowaa Mensah

Abena Durowaa Mensah (dɔgebo bebiri 21 gyoone 19 77) e la Ghana pɔletesean ane mɛmba ko a wɔɔ paate. O da e la begemaale die mɛmba ko Assin North Gbandige.

Abena Durowaa Mensah

human

Sex or gender	female
Country of citizenship	Ghana
Date of birth	21 June 1977
Place of birth	Central Region
Languages spoken, written or signed	English
Occupation	politician, clerk, administrator, office manager
Position held	Member of the 7th Parliament of the 4th Republic of Ghana
Educated at	Christian Service University College, Ghana Insurance College
Member of political party	New Patriotic Party
Religion or worldview	Christianity

Nyɔvore Piiluu ane Ganzanne

Ba dɔge la Mensah 21 Gyoone 1977 Assin Kushea poɔ naŋ be Central Irigyiŋ, Ghana poɔ. O taa la Insurance Diploma yi Ghana Insurance College, vinviŋ vuo ara sɛtefekate Marketing eŋɛ (CIM - UK ), ane marketing bakyila degeree yi Christian Service University College.

Toma Yɛlɛ

Mensah da la Manengya ko Esich Life Assurance Sunyani poɔ.

Pɔletese Yɛlɛ

Mensah e la mɛmba ko a wɔɔ paate. Ona da la a begemaale die mɛmba ko Assin North Gbandige a yi 2017 te tɔ 2021 youni.

2016 Nuuri Neɛbo

A 2016 Ghana zaa gbuli nuuri neɛbo eŋɛ, o da di la a Assin North Gbandige begemaale die gyongyoŋ kogi ne 15,553 nuuri naŋ e 56.8% kɔɔ poɔ a nuuri zaa naŋ neɛ, kyɛ ka a kataweɛ paate begemaale die gyongyoŋ bie Samuel Ambre nyɛ 10,751 nuuri naŋ e 39.2% kɔɔ poɔ a nuuri zaa naŋ neɛ, ka PPP begemaale die gyongyoŋ bie Isaac Manu nyɛ 979 nuuri naŋ e 3.6% kɔɔ poɔ a nuuri zaa naŋ neɛ ane CPP begemaale die gyongyoŋ bie Sanni Mahama nyɛ 115 nuuri naŋ e 0.4% kɔɔ poɔ a nuuri zaa naŋ neɛ.

2020 Nuuri Neɛbo

A 2020 Ghana zaa gbuli nuuri, o da le la a Assin North Gbandige kogi eŋɛ ko a NDC begemaale die gyongyoŋ bie James Gyakye Quayson. O da nyɛ la nuuri 14,193 naŋ e 44.79% kɔɔ poɔ a nuuri zaa naŋ neɛ.

Meŋa Yɛlɛ

Mensah be la kultaa die ne biiri bayi. O e la kiristabie.